It(em) wout(er) vand(er) bruggen heeft ontsedt op eene(n) borghe xx crone(n)/[of d(aer) omtrent] die willem reers hem voe(r) scepen(en) van loven(e) geloeft hadde de/ welke henrick keyenoeghe hadde doin cu(m)me(re)n en(de) raste(re)n/ meyne(n)de dat wout(er) in [arnts] sijns vad(er) brode wa(r)e en(de) hij wa(r)e te/ cort [aen hem] van wara(n)deerscape (et)c(etera) Des is borghe des voirs(creven) wouters/ henric van haeltert Et p(ri)m[(us)] lomb(ar)t abs(oloens) m(ar)cii xx

Item de voirs(creven) wout(er) vand(er) brugge(n) es comen op dach van rechte metten voirs(creven) henricke van haeltert sijne(n)/ borge hem p(rese)nteerende te rechte jegen den voirs(creven) henricke keyenoege dair sij dach jege(n) hadde(n) en(de) begheerde/ jegen den selven henricke te verantwerde(n) oft hij hem ennichs rechts totten voirs(creven) gelde vermetende ware/ tot welken daige van rechte de voirs(creven) henric keyenoege niet en quam Alsoe dat de scepen(en) van loeven(e)/ gemaent voorden meye(r) wijsden voe(r) een vonnisse datmen den voirs(creven) henricke keyenoege ten naeste dingdage/ dach doen soude metten rechte ende darenteynde(n) recht dwelck gesciede tot welken daige woute(r) en(de)/ henrick sijn borghe hen weder p(rese)nteerde(n) ende henrick keyenoege voirs(creven) en quam niet alsoe dat de/ voirs(creven) scepen(en) van loeven(e) dair op voerts gemaent wijsden vore een vonnisse soe wair henrick/ keynenoeghe niet en quame ten opstaen smeyers ende d(er) scepen(en) dat de voirs(creven) wouter en(de) henrick/ vand(er) voirs(creven) commeringen ongehoude(n) sijn souden P(rese)ntib(us) will(el)mo lomb(ar)t jacobo ex lyemynge(n) mych(aele)/ absoloens arnoldo vynck et joh(anne) de hugarde(n) scabinis lovan(iensibus) marcii xxix