Van colarde motte als p(ro)cureerd(er)/ sgoidshuys van auwirez/ Alsoe als tande(re)n tijden voir sent jans misse lestleden in rechte gestaen/ hebben inde banck voir meye(r) en(de) scepen(en) van loven(en) reynuwart soen pirarts/ wilen huyset van beerge die seke(re) scepen(en) brieve van loven(en) hadde en(de) jan/ sijn sone die tot des voirs(creven) reynuwarts sijns vaders goeden beleidt was/ in deen zijde en(de) colart motte als p(ro)curateur en(de) mechtich gemaect vand(er)/ abdissen en(de) co(n)vente des godshuys van auwirez in dande(r) van sesse scelli(n)g(en)/ oud(er) groete tornoeyse dair voir dat de voirs(creven) colijn alsoe hij seide als/ p(ro)cu(r)ateur hadde v(er)volght en(de) uutgewo(n)nen met den rechte vijf dach(mael)/ lands gelege(n) aen tpeedeken dat gheet van roysart te bearien wart/ gelijcment houden(de) es vande(n) hove van bierbais nae inhoude(n) van ene(n)/ chyrograf dat de voirs(creven) colijn dede lesen inden rechte dair op dat de/ voirs(creven) reynuwart doen ter tijt hem verantwerde met alrehande woirde(n)/ segge(n)de en(de) meyne(n)de datment tvoirs(creven) lant niet en hielde vande(n) hove/ dairt de voirs(creven) colijn voir uutgewo(n)nen hadde mair datme(n)t hielde van ene(n)/ ande(re)n hove dien hij noemde hoepte en(de) meyndde bij dier redene(n) dat tselve/ lant niet uutgewo(n)nen sijn en soude Dair op dat de scepen(en) van loven(en)/ gemaent vanden meye(r) van loven(en) voir sent jans misse voirs(creven) wijsden en(de)/ setten met hoe(re)n vo(n)nisse de voirs(creven) p(ar)tien inden hoff dair de goede hoefden/ aldair malc jegen ande(re)n recht te gheve(n) en(de) te nemen gelijc als de / scepen(en) die voir sent jans misse wae(re)n op heden inden rechte vercleerden
//
Soe sijn noch in rechte comen de voirs(creven) reynuwart die wed(er)/ hadde doen in scriven midts macht van sijne(n) voirs(creven) scepen(en) brieve(n)/ den voirs(creven) colijn dair de voirs(creven) colijn weder een aensprake dede/ verhalende des tande(re)n tijden d(aer) toe gesciet was gelijct voirscr(even)/ steet D(air) op de voirs(creven) reynuwart hem verantwerde en(de) dede/ lesen inden rechte een and(er) chyrograff dwelc alrehande/ goede begrepen hadde dieme(n) hielt vanden hove van court/ saint steven ond(er) de welke goede hij meynde dat begrepen/ wae(re)n de v dach(mael) lands voirscr(even) die colijn meyndde dat/ hij uutgewo(n)nen hadde en(de) dat hem dat vervolgh oft uut/ wynnen aen sijne(n) erve gheen onstade doen en soude Dair/ op dat de scepen(en) van loven(en) voort gemaent vande(n) meye(r) wijsde(n)/ voir een vo(n)nisse dat sij bleve(n) bij alsulken vo(n)nisse als de voirs(creven)/ scepen(en) voir sent jans misse dair af gewijst hadden P(rese)ntibus/ joh(ann)e de borchove(n) nycholao kersmake(re) geldulpho rogghe gerardo/ de haenwijc dyonisio boys et arnoldo vanden velde scabinis/ lovan(iensibus) octobr(is) vii/