It(em) h(er) symoen py(n)noc ridde(r) en(de) mychiel abs(oloens) alse segg(ere)n vande(n) voirs(creven) stote sijn come(n) in jeg(ewoirdicheyt)/ en(de) hebben hoir segge(n) vande(n) voirs(creven) stote geseeght in des(er) vuege(n) Inden yerste(n) es hoir segge(n)/ dat de voirs(creven) jan tybe den voirs(creven) wout(ere)n te bet(er)nissen doen sal een beedev(ar)t ts(en)te pet(er)s/ te meylanen en(de) d(er)wart te porre(n) bynne(n) xl dage(n) nae dat hij vand(er) beedev(ar)t die/ hij te rome(n) des voirs(creven) wout(er)s knape doen moet wed(er) om come(n) sal sijn en(de) goed(er)e/ wairh(eyt) d(aer) af b(ri)nge(n) en(de) sijne(n) eedt doen (et)c(etera) [of wout(er)s moet hebbe(n)] Ende als hij vand(er) voirs(creven) beedev(ar)t d van/ meylane(n) wed(er) come(n) sal sijn dat hij dan den selve(n) wout(ere)n noch te bet(er)nisse(n)/ porre(n) en(de) doen sal een bedev(ar)t te wilsenaken en(de) d(er)w(er)t porre(n) ter manisse(n)/ des voirs(creven) h(er) symoens en(de) mychiels en(de) goede wairh(eyt) (et)c(etera) boys velde m(ar)tii xxvii/