Van goerde herheynsen/ Tvonnisse tusscen goerde herheynsen in deen zijde arnde ende janne/ blideleven lambrechts blideleven kijnde(re) die midts macht van scepene(n)/ brieve(n) van loven(e) gegoet en(de) geerft sijn voir meye(r) en(de) scepen(en) van loven(e)/ in allen den omberuerliken goeden lambrechts blideleve(n) en(de) oeden/ sijns wijfs in dande(re) alse vande(n) huyse en(de) hove met sijnre toebehoirte(n)/ gelege(n) te s(in)te peters vissenake tusscen de goede henrix weyns ende/ odilien vleeschouwers It(em) vanden derdel van ene(n) boend(er) lands gelege(n)/ oec te s(in)te pet(er)s vissenake tusscen de goede h(e)r(e)n yweyns van houthem/ ridders en(de) jannes blox Item van ene(n) halven dach(mael) lands gelegen/ opde wolmersheyde tusscen de goede jans vleeschouwers en(de) h(er) goerts/ van boeslynte(re) Was uutgedragen met desen woirde(n) nae aensprake/ antwerde en(de) thoenisse en(de) nae al dats voir de he(re)n scepen(en) van/ loven(e) come(n) was dat de selve h(ere)n scepen(en) van loven(e) wijsden en(de) sette(n)/ met hoe(re)n vo(n)nisse beyde de voirscr(even) p(ar)tien vande(n) voirs(creven) goeden inde/ banck dair de goede gelegen sijn malc jege(n) ande(re)n aldair recht/ te gheven ende te nemen P(rese)ntib(us) henr(ico) de calstr(is) nycholao kersmake(re)/ geldulpho rogge gerardo de haenwijc dyonisio boys en(de) arnoldo vande(n)/ velde scabinis lovan(iensis) anno xiiii[c] xxxiii maii penulti(m)a