Cond zij allen lieden want colart li polits wonende te vileer bij ha(n)nut en(de)/ joffr(ouwe) marie sijn wijf com qua(m)men voir scepen(en) van lov(en) int jair xiiii[c] xxix/ thien dage in junio en(de) bekenden dat sij genome(n) hadden van janne robeert wonen(de)/ te groet adorp en(de) joffr(ouwe) lijsbetten sijne(n) wive die wijf was coenraets wilen/ van berloe gehete(n) van vileer moed(er) der voirg(enoemde) joffr(ouwe) marien met consente jans/ van ruwecheal die ov(er)midts vo(n)nisse van scepen(en) brieven van loven(en) beleidt es [was]/ tot den goeden der selver joffr(ouwe) lijsbette(n) thof en(de) de goede gehete(n) de haz/ gelege(n) te piet(er)hain met den wynne(n)den landen beemden eeusselen bosschen/ en(de) allen hoe(re)n toebehoirte(n) gelikerwijs de voirs(creven) wilen coenraet van b(er)loe sweer/ des voirs(creven) colarts de voirs(creven) goede te piet(er)hain te houde(n) plach Te houde(n) en(de) te/ hebben alsoe lange alse de voirs(creven) joffr(ouwe) lijsbeth leve(n) sal [soude] alle jae(re) dae(re)n bynne(n)/ om neghen en(de) een half mudde(n) coe(re)ns pacht en(de) mate van piet(er)hain goet en(de)/ payabel te s(en)[te] andries misse apostels te betale(n) en(de) int voirs(creven) hof te leve(re)n/ jairlix also lange alse de voirs(creven) joffr(ouwe) lijsbeth leve(n) sal en(de) niet lang(er) etc(etera) gelijkerwijs/ de scepen(en) [brieve] van loven(en) d(aer) op gemaect dat clairliker k inhoude(n) en(de) beg(ri)pe(n) Soe/ eest dat de voirs(creven) jan robeert come(n) es in jeg(enwoirdicheit) d(er) scepen(en) van loven(en) en(de) heeft/ quijtgescouden allet recht [pacht] en(de) aensprake die hij heeft oft hebben mach in e(n)nig(er) [en(de) oft de voirs(creven) joffr(ouwe) lijsbeth sijn wijf hebben(de) oft hebbe(n) moege(n) in e(n)nigher] manie(re)n in [inden goeden h(ier)nae bescreven inden name en(de) tot behoef des abdts en(de) co(n)vents scloesters van heyleshem] vanden voirs(creven) goeden Te wete(n) in ond(er)half dach(mael) beemts gelege(n)/ te piet(er)hain bijden bij ezelst(ra)te tusscen de ezelst(ra)te en(de) d(er) abdissen vand(er) rameide(n)/ en(de) neve(n) de moelen van chantraine It(em) in ene(n) beemt gelege(n) i bijde eyke/ tusscen de voirs(creven) eselst(ra)te en(de) de goede lybrechs lystra It(em) in een half/ boend(er) beemts dat wilen was thoemaes page tussce(n) de goede des voirs(creven)/ lybrechs lystra en(de) colarts heylwya It(em) in v dach(mael) beemts gelege(n) in ene(n)/ stucke luttel min oft meer tusscen de goede des voirs(creven) colarts heylwya en(de)/ reyners wery Ende Bekennende de voirs(creven) jan robeert dat hij ne(m) niet meer/ rechts en heeft in de selve goede Gelove(n)de de selve jan robeert dat hij de [noch]/[sijn wijf des] selve goede voirtaen ne(m)mermeer aen spreke(n) en sal [selen] bij hemn selve(n) noch bij/ nyema(n)de and(er)s met gheene(n) recht gheestelic oft werlic in e(n)nig(er) manie(re)n/ Ende heeft geloeft de voirscr(even) jan robeert den voirs(creven) abde en(de) co(n)vent/ dat hi de vors(creven) goede ne(m)m(er)meer etc(etera) haenw(ijc) velde ja(nuarii) pe(n)ult(ima)/