It(em) de voirs(creven) arnt beys es come(n) in jeg(ewoirdicheyt) (et)c(etera) ende heeft genome(n) en(de)/ bekent dat hij genome(n) heeft van jacob uuten lyemyngen nu t(er)tijt borg(er)/ meest(er) te lov(en) de wynne(n)de lande des voirs(creven) jacobs h(ier) nae bescr(even) gelege(n)/ te willenb(ri)nge(n) Inden yerste(n) i dach(mael) lands gelege(n) opte wilde(re) It(em) noch/ ii(½) dach(mael) lands oft d(aer) omtrent gelege(n) te bouwenhove in drie stucke(n)/ ald(aer) It(em) (½) boend(er) lands gelegen bij de twee boemkene It(em) een dach(mael)/ lands op thiensche velt gelege(n) It(em) (½) boend(er) lands gelege(n) neve(n) jacobs/ heylen hof It(em) i(½) dach(mael) lands gelege(n) aen claes bloc uute(n) lyemyngen/ It(em) een boend(er) lands gelege(n) ond(er) de cro(m)mel inden berch It(em) v(½) dach(mael) lands/ It(em) een stuc lants gelege(n) acht(er) dbloc des vors(creven) jacops It(em) i/ stuc lants d(aer) bij gelege(n) aen de grecht It(em) i stuc lants/ geleg(en) aen de selve grecht It(em) v(½) dach(mael) lants
//
oft dair omtrent gelege(n) optvelt acht(er) den berch It(em) een boend(er) lands luttel min/ op tselve velt It(em) een stuck lands gehete(n) ermen mercielijs hof gelege(n) opt selve/ velt It(em) (½) dach(mael) lands d(aer) bij gelege(n) It(em) eene(n) hof gehete(n) pellenberschen hof/ gelege(n) tusscen loeden scoelmeest(er)s hof en(de) batens m(er)cielijs hof te houden/ te hebben en(de) te wynne(n) van half m(er)te neestcomen(de) ene(n) t(er)mijn van xii jae(re)n/ langc deen nae dand(er) sond(er) middel volge(n)de elx jairs dae(re)n bynne(n) te/ weten elc boend(er) vande(n) voirs(creven) lande(n) om sesthien halst(er) harts coe(re)ns pacht/ en(de) mate van willenb(ri)nge(n) goet en(de) payabel met wa(n)ne en(de) veede(re)n wel bereit/ ts(en)t andr(ies) andries misse ap(oste)l(s) te bet(alen) en(de) te loven(en) te leve(re)n alle jair/ den voirs(creven) t(er)mijn due(re)nde quol(ibet) ass(ecutu)[m] It(em) op also soe wa(n)neer de voirs(creven) wynne/ den voirs(creven) jacob tselve coe(re)n te loven(en) levert dat dan de selve jacob den ghene(n)/ diet b(ri)ngen sellen teten g hoe(re)n cost gheve(n) sal It(em) sal de voirs(creven) wynne/ den voirs(creven) t(er)mijn due(re)nde op sijne(n) cost den voirs(creven) jacob wynne(n) eene(n) hof [gehete(n) putmans hoff] gelegen aen/ claes block uute(n) lyemy(n)ge(n) en(de) dair voe(r) sal de selve wynne hebben tot/ sijne(n) p(ro)fite den selve(n) t(er)mijn ene(n) bog(ar)t gelege(n) tusscen den bog(ar)t des voirs(creven)/ claes en(de) henrix pet(er)s op also dat de selve wynne vande(n) selve(n) bog(ar)de den/ tsijs jairlix bet(alen) sal It(em) sal de voirs(creven) wynne de voirs(creven) lande late(n) ten afscheiden/ vande(n) voirs(creven) t(er)mine gelijc hijse vijnden sal te sijne(n) aencome(n) It(em) want de/ voirs(creven) jacob so(m)mige vande(n) voirs(creven) lande ten [te] t(er)minen uutgegheve(n) heeft d(aer) af dat/ de selve t(er)mine noch niet uut en sijn Soe es vorw(er)de dat de voirs(creven) wynne vande(n)/ selve(n) lande(n) pacht te gheve(n) ongehoude(n) sijn sal tot aen d(er)re tijt toe/ dat de voirs(creven) jacob den voirs(creven) wynne die leve(re)n sal sond(er) argelist H(ier) af sijn/

borghe(n) des voirs(creven) wy(n)nen vranc beys svoirs(creven) wynne(n) vad(er) en(de) wout(er) sausen van meld(er)t/

selfs wy(n)nen sweer Et p(ri)m[(us)] rogge boys feb(ruarii) x lomb(ar)t velde jul(ii) xxvii a(nn)[o] xxxix/