Item jan vanden dale van eeversberge es comen in jegewordicheiden d(er)/ scepe(ne)n van loeve(ne)n en(de) heeft gekent en(de) verlijt dat hij wittelic gecocht heeft/ jegen he(re)n janne vander rijst en(de) van b(er)tinsart tscaerhout staende op xliii/ boender bosch oft d(air) omtrent geheten dbosch van marchen gelege(n) op hazewinkel/ inde p(ro)chie van eeversberghe elc boender dair af op om xvi crone(n) lx pl(acken) brab(ants)/ payments vore elc crone gereekent in alsulker voeghe(n) dat de voirs(creven) jan de/ voirs(creven) bosch houwen sal bynnen ix jaren te neghen houwe(n) te weten den/ yersten hou beghynnende te houwen te bamisse naistcomen(de) en(de) te betalen tgelt/ van dien houwe half te s(en)[te] mertens misse dat sijn sal int jaer xiiii[c] xxxiiii/ en(de) dand(er) helcht te groet vastenavonde d(air) naist volgende alsoe verre als den hou/ gedragen sal en(de) alsoe voert alle jare ten voirs(creven) t(er)minen van elken houwe te/ betalen na de galande dat de houwen metter maten gedragen sulle(n) van/ elken boender xvi croene(n) ind(er) weerden voirs(creven) en(de) ind(er) stat wissel van bruessel/ te leve(re)n alle ja(er)e en(de) telken t(er)mine als vervolghde scout En(de) es ond(er)sproken dat/ de voirs(creven) jan tvoirs(creven) bosch jairlix ruymen sal en(de) sijn hout afvue(re)n b by(n)nen d(er)/ maent van meye ten langsten en(de) dat hij op elc boend(er) vande(n) houwe laten sal/ vi opgaende jonghe eyxkene calstr(is) rogge m(ar)tii xviii