It(em) want stoet ende tebat opv(er)staen is tusschen h(ere)n godscalc van/ marilez prochiaen [der kerke(n)] van sent andries berghe en(de) ja(n)ne van ruwecheal/ die ov(er)mids vo(n)nisse van scepen(en) brieve(n) van loven geleidt sijn tot den/ goede(n) hubins wilen van warnant en(de) janne jaspar als mo(m)boir/ joff(rouwe) kat(linen) sijns wijfs docht(er) svoirs(creven) wilen hubins die he(m) h(ier) in geloeft/ heeft te vervaen in deen side en(de) raese vand(er) to(m)belle(n) sone henrix/ vand(er) to(m)belle(n) als mo(m)boir joff(rouwe) jeha(n)nen sijns wijfs docht(er) werijs/ wilen van warnant brued(er)s svoirs(creven) wilen hubins de welke hi h(ier)/ in geloeft heeft te vervaen in dande(re) van alle(n) den goede(n) onberuerlike(n)/ goede(n) en(de) rente(n) die wa(r)en ottarts wilen van warnant vad(er)s der voirs(creven)/ hubins en(de) werijs en(de) vande(n) goede(n) die wa(r)en otlets en(de) gielots [wile(n)] van/ warnant kynde(re) svoirs(creven) ottarts Soe sijn de voirs(creven) p(ar)tien come(n)/ voir scepen(en) van loven(e) en(de) hebben hen vande(n) al den voirs(creven) stoete gekeert/ in segge(re)n en(de) vrientlic yffene(re)n te wete(n) in reyne(re)n van mollebais/ en(de) mathise van gheete die beyd(er) voirs(creven) p(ar)tien recht reden en(de)/ bescheit aengehoirt hebben en(de) die hoir segghen h(ier) af seggen sele(n)/tusschen dit e by(n)nen drien daghen naest comen(de) Ende hebbe(n) geloeft/ beyde de voirs(creven) p(ar)tien vast en(de) gestedich te houde(n) (et)c(etera) haenw(ijc) velde/ maii ix