Item es vorwairde tusschen janne steckart ende g(er)truden sijnen/ wive in deen zijde ende janne van bullestraten slachmolde(r) in/ dande(re) alse vanden weghe ende ganghe gaende vand(er) coestrate(n)/ doir de voirs(creven) slachmolen over de dyle tot inde co(r)en molen des/ voirs(creven) jans steckarts staende op dand(er) zijde vand(er) dylen dat de/ voirs(creven) jan steckart en(de) de sijne en(de) alle de ghene die vand(er) coestrate(n)/ tot sijnre voirs(creven) molen bege(re)n te come(n) hoe(re)n wech doir de voirs(creven) mole(n)/ ov(er) den voirs(creven) ganc hebben en(de) behouden selen gelijc sij dien tot/ heer toe gehadt hebben sond(er) wed(er)seggen des voirs(creven) jans van/ bullestraten also lange als de voirs(creven) jan steckart gheertruydt sijn/ wijf gielken en(de) areken hoe(r) beyder kijnde(re) leve(n) selen en(de) de langste/ van hen [vieren] leven sal en(de) oec dat de selve jan van bullestrate(n) noch/ sijn nacomelinge vand(er) voirs(creven) slachmolen gheen co(r)en molen make(n)/ en sellen noch doen maken noch opten vors(creven) slach sette(n) also lange/ als de voirs(creven) jan steckart sijn wijf gielken en(de) areken hoir kijnde(re) voirs(creven)/ leve(n) selen oft de langste van hen vieren leven sal Mair wart/ alsoe dat de selve jan steckart sijn wijf oft hoir kijnde(re) de voirs(creven) co(r)en/ moelen erflic v(er)cochten oft in ande(re)n handen erflic liete(n) come(n) soe/ en souden de goede liede vand(er) coestrate(n) voirs(creven) noch yemant and(er)s/ wech hebben doir de voirs(creven) slachmoelen oft ov(er) den voirs(creven) ganc in/ e(n)nig(er) manie(re)n Behoudelic dien oft de voirs(creven) jan steckart sijn/ wijf oft hoir kijnde(re) de selve co(r)en moelen yema(n)de met behoir/ liken jairsca(r)en verhuerden dat die huerlinc tgebruyc vanden/ voirs(creven) wege doir de voirs(creven) slachmolen en(de) ov(er) den ganck also langc/ alse sijne(n) t(er)mijn duerde niet hebben en sal mair alse den tijt/ vand(er) hue(re)n uutwa(r)e wairt soe dat de voirs(creven) co(r)en moelen wed(er)/ quame inden handen des voirs(creven) jans sijns wijfs en(de) hoe(re) kijnde(re)
//
dat die den wech hebben souden gelijc sij dien te vo(r)en hadden en(de)/ gelijc voirscr(even) steet Noch es vorwarde tusscen de voirs(creven) p(ar)tien dat sij/ te gelike dragen en(de) houden selen de brugge geheten de ezelbrugge/ liggende ov(er) de dyle voir de woenynge arnts vinx Voirt es vorwarde/ dat de voirs(creven) jan van bullestraten den ganc tusscen de voirs(creven) moelene(n)/ houden sal op sijne(n) cost vand(er) helcht vanden wijntgate te sijnre/ slachmolen wart ende de voirs(creven) jan steckart op sijnen cost dand(er)/ helcht te sijnre co(r)en moelen wart cor(am) eisdem voirt es vorwarde/ tusscen de voirs(creven) p(ar)tien dat sij half en(de) half hebben en(de) deylen selen tscepgelt dat ald(air)/ vallen sal en(de) verschine(n) vande(n) scepen(en) die dair lijden cor(am) eisd(em)