Tvonnisse tusscen librecht vand(er) haghen die ov(er)midts vo(n)nisse van/ scepen(en) brieve(n) van loven(e) gegoet ende geerft es voir meye(r) en(de) scepen(en)/ van loven(e) inde heerlich(eit) dou tierne te viler le ville in deen zijde en(de)/ noel doudelet van genepien in dande(re) alse van eenre koe die de/ voirs(creven) noel ter tijt dat hij rentmeest(er) van genepien was haelde/ inde voirs(creven) heerlich(eit) was gewijst met desen woirden dat de/ voirs(creven) noel de voirs(creven) koe wed(er)bringen sal ter plaetsen dair hijse haelde/ en(de) dae(re)n teynde(n) recht P(rese)nt(ibus) henr(ico) de calstr(is) nycholao kersmake(re)/ geldulpho rogge ger(ardo) de haenwijc dyonisio boys (et) arnoldo vande(n)/ velde maii xxvi