SAL7329, Act: R°189.1 (150 of 334)
Search Act
previous | next
Act R°189.1  
Act
Date: 1435-12-07
LanguageNederlands

Transcription

2021-04-15 by Magda van Winkel
It(em) de voirs(creven) jan le fevre es come(n) in jegewordich(eit) der scepen(en) van loven(e)/
hier nae genoemt en(de) heeft geloeft dat hi in des voirs(creven) lodewijx hof inde hoelst(ra)te/
sine(n) voirs(creven) t(er)mijn due(re)nde ov(er)tijt houde(n) sal lxxv scape en(de) het is vorwerde waert/
dat jaerlix vande(n) voirs(creven) goede(n) myn roggens stroes quame dan ii[c] hoepe dat de/
voirs(creven) lodewijc en(de) jan tgebrec d(aer) af te gade(r) coepe(n) en(de) betale(n) selen en(de) hi [jan] saelt halen/
daerment coept en(de) int voirs(creven) hof b(ri)nge(n) en(de) aldaer te meste make(n) en(de) op dlant/
vue(re)n slants meesten p(ro)fite It(em) es noch vorwerde dat de voirs(creven) jan stroe des/
voirs(creven) lodewijx helcht vand(er)e [corne en(de)] vruchte(n) die op tvoirs(creven) lant wassen sal by(n)nen love(n)/
sal b(ri)ngen in een schue(r) die lodewike gelieve(n) sal en(de) alst gedorsschen is sal/
jan tstroe wed(er) hebbe(n) behoudelic dien geliefde lodewike dat stroe te behouden/
dat hi den voirs(creven) ja(n)ne elde(r) by(n)ne(n) love(n) alsoe veele stroes d(aer) jege(n) sal mogen/
copen het we(re) wynt(er)stroe of zom(er)stroe elx alsoe vele als hi behouden hedde/
en(de) dat stroe sal de voirs(creven) jan int hof hale b(ri)ngen en(de) d(aer) etten en(de) te meste make(n)/
en(de) sal de voirs(creven) jan behouden tsijne(n) profit tvierdel vand(er)/
schue(re)n des voirs(creven) lod(ewijx) wit(te)[ma(n)] naen dec(embris) vii a(nn)[o] xxxv
Contributorskristiaan magnus
Moderated bykristiaan magnus
Last update: 2020-02-24 by Jos Jonckheer