Item es vorwairde tusscen den voirs(creven) p(ar)tien dat de voirs(creven) v arnt hem met den/ voirs(creven) brieve noch oec met den beleidtbrieve niet voirder noch eer behelpe(n) en sal/ dan betalinge te gecrige(n) vand(er) voirs(creven) so(m)men van [c] xvi crone(n) en(de) xxviii rinschen/ gul(den) ten t(er)mine(n) hier nae bescreve(n) Te weten xvi crone(n) en(de) iiii r(insche) gul(den) dair/ af inde bamisse merct van antwerpe(n) naestcome(n)de xvi crone(n) en(de) iiii r(insche) gul(den) d(aer)/ af inde zinxen marct d(aer) naistvolge(n)de en(de) so voirt talle(n) vande(n) voirs(creven) ii mercte(n) tsjaers/ xvi crone(n) en(de) iiii r(insche) gul(den) tot d(er)re tijt toe dat de voirs(creven) so(m)me geheelic betaelt sal sijn en(de) oft/ de selve ii p(er)sone den voirs(creven) arnde de voirs(creven) so(m)me gelts ten t(er)mine(n) voirs(creven) niet en betaelde dat dan/ de selve arnt hem mette(n) selve(n) br(ieve) behelpe(n) sal aen de(n) voirs(creven) jacob en(de) goesse(n) en(de) hoir goede om betali(n)ge/ d(aer) af te hebbe(n) en(de) niet voird(er) En(de) alse de selve schout al betaelt sal sijn [met der cost van rechte d(aer) in geloepe(n)] datme(n) dan den voirs(creven) jacob ende goesse(n)/ de voirs(creven) brieve beyde scout br(ief) en(de) beleidtbr(ief) ov(er)gheve(n) sal sond(er) argelist cor(am) eisde(m)