van arnde vand(er) voort/ Tvo(n)nisse tusscen arnde vand(er) voort die ov(er)midts vo(n)nisse van scepen(en)/ brieven van loven(e) beleidt es tot den goeden willems oliviers van/ hakendovel en(de) henrix oliviers sijns soens in deen zijde en(de) willem/ vand(er) beke en(de) roelof van scaetbroec die beleidt sijn tot den goede(n)/ lijsbette(n) vand(er) beke moed(er) des voirs(creven) willems in dand(er) zijde vande(n)/ goede(n) h(ier) nae genoempt Te wete(n) van ene(n) halve(n) lange(n) boend(er) lans/ gelege(n) op dlanc velt te hakendovel tussce(n) de lande mychiels kamp(er)noels/ en(de) jans casteels It(em) van v dach(mael) lands xxv cortroede(n) myn gelegen/ op tselve velt tusscen de lande des voirs(creven) jans casteels in beyde(n) sijde(n) It(em)/ van i(½) dach(mael) lands gelege(n) opt selve velt tussce(n) de lande jans casteels voirs(creven)/ en(de) d(er) vrouwe(n) vande(n) plasse van grymde It(em) van (½) boend(er) lands gelege(n)/ bijde to(m)men van hakendovel tusscen den thiensten wech en(de) de wech die/ van hakendovel te gry(m)de wairt gaet reengenote jani casteels voirs(creven) en(de) dille(n)/ poelarts It(em) van enen dachmael lands gelege(n) opte(n) breeden wech dairme(n)
//
van wouters vanden berge co(m)men te thiene(n) wairt gaet tusscen/ de goede des voirs(creven) jans casteels en(de) den voirs(creven) wech dair doir/ gaende Dairaf dat de voirs(creven) arnt yesch des voirs(creven)/ willems en(de) sijns soens kijnsche gedeelte Op dwelke de/ voirs(creven) willem en(de) roelof hen verantwerden en(de) meynden/ pechtinge aen de voirs(creven) goede te hebben (et)c(etera) Was ge/ wijst datme(n) den voirs(creven) arnde vande(n) voirs(creven) goeden houde(n)/ soude in sijne(n) beleyde en(de) wouden yemant den selve(n) goede(n)/ yet aenspreken dat hij dat doen soude met den rechte/ p(rese)nt(ibus) wille(m) lomb(ar)t jo(hannes) de borch(oven) mych(aele) absoloens nych(olao) kersmake(re)/ dyonis(io) boys (et) andrea de voshem scab(inis) lov(aniensibus) julii p(ri)ma