Cond zij allen lieden dat jan sluy vand(er) sluysen es come(n) in/ jeg(enwordicheit) d(er) scepen(en) van lov(en) ende heeft genome(n) teghen henr(icke)/ vande(n) velde gehete(n) mand de lande in hier nae bescr(even) Inde(n)/ yersten v dach(mael) lands gelege(n) in opt sh(er)toge(n)wech tusscen/ neve(n) de goede jan witte(n) It(em) noch (½) boend(er) lands/ gelege(n) aldair neve(n) den voirs(creven) sh(er)toge(n)wech te houde(n) te/ hebben en(de) te wynne(n) van ons(er) liev(er) brouwe(n) dach nativitas/ lestlede(n) eene(n) t(er)mijn van vijf jae(r) langc deen nae dander/ dair nae sond(er) myddel volge(n)de elx jairs dae(re)n bynne(n) op de/ helcht vand(er) vruchte(n) op de voirs(creven) lande jairlix wassende It(em)/ es vorwarde dat de voirs(creven) jan den voirs(creven) henr(icke) sijn helcht vand(er) voirs(creven)/[vrucht] thuys leve(re)n sal op sine(n) cost eer hij sijns selfs hellicht/ rue(re)n mach Voirt es vorwarde dat de voirs(creven) jan de voirs(creven)/ lande wynne(n) en(de) w(er)ven sal wel en(de) loflic en(de) bat dan reenge/ noete(n) It(em) es noch vorw(er)de dat de voirs(creven) jan [op] de voirs(creven) v dach(mael)/ lands bynne den voirs(creven) tide sal wynne(n) drie vruchte(n) te wete(n)/ ii v vruchte(n) van rogge en(de) een zom(er) vruchte en(de) als hij de/som wijnt(er) vrucht be saeyen sal soe es vorw(er)de dat de voirs(creven) jan/[dlant d(aer) af] wel en(de) loflic mesten sal It(em) sal de voirs(creven) jan op tvoirs(creven) (½) boend(er)/ lands bynne(n) den voirs(creven) tide wynne(n) v vruchte(n) te wete(n) ii/v met wijnt(er)corne en(de) iii met zom(er)corne en(de) desgelijx/ als hij de wijnt(er)vrucht zaeyt [alsdan] wel [en(de) loflic] mesten It(em) wairt alsoe/ dat de men de voirs(creven) lande dade grave(n) soe es vorw(er)de dat/ de voirs(creven) henr(ick) de tgraefgelt half gl betale(n) sal en(de) de vrucht/ half hebben ende alle dese vorw(er)den (et)c(etera) a lomb(art) abs(oloens)/ no(vem)[br(is)] xxiii