Van henricken van ranst Item alsoe mathijs woyts met sine(n) medeplichte(re)n den raide vand(er)/ stat van loven(e) aenbracht hadde dat henrick van ranst met/ sijnre medep(ar)tien inde banck van turnhout voe(r) scouth(eit) ende/ scepen(en) jegen den selven mathyse in trecht come(n) wae(r) ende/ dat de voirs(creven) henr(ick) van ranst aldair ene sake vorde(re)n woude/ gedragende in cont(ra)rien den vo(n)nissen die de scepen(en) van/ loven(e) gewijst hadden soe worden dair om de voirs(creven) scepene(n)/ van turnhout op den dach van heden tot loven(e) te come(n) inne/ gescreve(n) welc scepen(en) van turnh(out) op heden come(n) sijn voe(r) den/ raet vand(er) selv(er) stat aldair clairlic bevonden is dat tgheen/ dat de voirs(creven) henr(ick) van ranst en(de) sine medep(ar)tie inde banc van/ turnhout voirs(creven) gevord(er)t hadde niet een gedreeght in cont(ra)rien/ vande(n) vo(n)nisse d(er) scepen(en) van loven(e) voirs(creven) ende dair om wairt bij den/ raide vand(er) voirs(creven) stat geore get(er)mineert dat de voirs(creven) scepen(en) van/ turnh(out) met der saken voirs(creven) voir hen hanghende voirtvae(re)n souden/ nae d(er) banck recht aldair en(de) wae(re)n sij vand(er) saken voirs(creven) wijs dat/ sij wijsen soude(n) dat sij meynde(n) dat trecht wae(r) en(de) en wae(re)n sij/ der zaken niet wijs dat sij dan trecken souden dair sij sculdich/ we(re)n te trecken niet wederstaende den vo(n)nissen der scepen(en) van loven(e)/ welc scepen(en) van loven(e) de p(ar)tien sette(n) met hoe(re)n vo(n)nissen inde banc/ dair de goede hoefden aldair recht te gheve(n) en(de) te neme(n) en(de) anders/ niet in pleno consilio ubi etia(m) p(resen)tes fueru(n)t will(elmu)s lomb(ar)t (et) andr(ee)/ de voshem scabini lov(anienses) xxiiii die nove(m)br(is)