Van janne vanden bossche bastart/ Tvonnisse vanden saken hangende in gedinge tusschen ja(n)ne/ bacheler die ov(er)mids vonnisse van scepen(en) brieven van loven(e)/ geleit is tot den goeden beruerlic en(de) omberuerlic [vacat]/[vacat] in deen zijde en(de) janne vanden bossche bastart/ inden name van [vacat] sijns soens alse rectoer/ vander capelle(n) van sinte katlijne(n) van ohain in dandere/ alse van seke(re)n goede(n) gelegen te ohain die de voirs(creven) rectoer/ ov(er) langhe jaren beseten hadde also hij seyde dair af/ dat de selve jan bacheler meynde dat de voirs(creven) jan de/ bastart de voirs(creven) goede noeme(n) soude en(de) de voirs(creven) jan de/ bastart meynde neen maer datse de voirs(creven) jan le/ bacheler noeme(n) soude de goede d(aer) hij hem rechts toe/ woude v(er)meten de scepen(en) van loven(e) d(aer) op gemaent/ vande(n) meyer van loven(e) wijsden voir een vonnisse dat/ de voirs(creven) jan bacheler de voirs(creven) goede noeme(n) soude/ daer aen hij meynde datme(n) hem ongebruyc dede/ p(rese)nt(ibus) will(elm)o lomb(ar)t joh(annis) de borch(oven) mych(aele) abs(oloens) nych(olao) k(er)smake(re)/ arnold(o) vync dyonisio bois (et) andr(ee) de voshe(m) dec(embris) x q(ua)rta