Van lod(ewijc) van ramecourt/ It(em) want lodewijc van ramecourt die ov(er)mids vonnisse van scepen(en)/ brieven van loven comen en(de) geleit is tot allen den goeden have ende/ erve jacops van gheffen soe waer die belegen sijn onlanx leden/ hadde doen in scriven metter stat brieven arnde jans soen/ van cromboert en(de) janne melijs soen wonen(de) te spul opt goet/ vande(n) cloot die hem aen de goede hier na bescreven te/ weten aen een heyde geheten dunne gelegen inde prochie/ van beke tusscen de goede wijtman gorde(n) soen en(de) de/ gemeynstrate Item aen eene(n) beemt geheten dlatbroec geleg(en)/ inde voirs(creven) prochie aen de biest naest den goeden/ sheilichs gheest vande(n) bossche en(de) op heden dach betekent/ daer de voirs(creven) arnt noch jan niet comen en sijn den/ voirs(creven) lodewijcke sijnen dach verwae(re)nde en(de) ten eynde/ trecht van sijnen beleyde voert versuekende also dat/ de scepen(en) van loven(e) gemaent vanden meyer van loven(e)/ gewijst hebben voir een vonnisse datmen den voirs(creven)/ lodewijcke van ramecourt vande(n) voirs(creven) goede(n) houde(n) sal/ in sijnen beleide also verre alst noch voe(r) hen comen/ is p(rese)nt(ibus) will(elm)o lomb(art) johanne de borch(oven) mych(aele) abs(oloes)/ nych(olao) k(er)smak(ere) dyonis(io) boys (et) andr(ee) de voshem scab(inis)/ lov(aniensibus) maii v a(n)no xiiiii[c] xxxv