Vande(n) meye(r) van g(ra)ven en(de)/ van bossuyt/ It(em) want de scepen(en) van bossuyt seke(r) vo(n)nissen gewijst/ hebben gebracht uut hae(re)n hoede den scepen(en) van ludick/ van saken voir hen bedingt tusschen willem(me) van kessele en(de)/ la(m)brechte de moncheal die jege ghinge(n) den voirs(creven) la(m)brechte/ alsoe dat hij inden coste gewijst waert gelijck de meye(r)/ van graven met den scepen(en) van bossuyt voir de stad gethoent/ en(de) bijbracht heeft en(de) hoe wael de voirs(creven) lambrecht/ inden voirs(creven) cost gewijst waert en(de) den he(re) seke(r) erfgoede/ te weten eenen bee(m)dt gelegen te bossuyt op de n(er)ibayse/ en(de) i pansijr voir scepen(en) inde hande(n) gedragen hadde/ in name van sine of borchtochten vand(er) hoetwaert/ soe maechte hij hem rebel den voirs(creven) cost te bet(alen)/ daer hij met den hoetvo(n)nisse in gewijst waert en(de)/ dede sijn goede met scepen(en) brieven(en) van loven(e) beleyden/ om d(aer) mede der selver cost voir te gaen Dwelck de/ voirs(creven) meye(r) der stad claeghde beghe(re)nde en(de) v(er)suekende/ dat de voirs(creven) la(m)brech bedwo(n)gen worde te voldoen/ tvoirs(creven) vo(n)nisse ov(er) hem met rechte gewijst en(de) datme(n)/ hem mett(er) poirterien noch met den voirs(creven) beleyde d(aer)/ jegen gheen hynder en dade aengesien dat hij den voirs(creven)/ cost altemael hadde moten v(er)leggen en(de) betalen ende/ lange daer om gevolght hadde alsoe dat de stad aengesien/ tvoirs(creven) vo(n)nisse de handelinge die h(ier) af gewe[e]st hadde/ voir de stad d(aer) de voirs(creven)la(m)brecht sijn bescheit oeck/ geseedt hadde get(er)minert heeft in hae(re)n rade dat de/ voirs(creven) meye(r) den voirs(creven) cost neme(n) en(de) reyken sal aen/ de voirs(creven) goede die hem voirs den voirs(creven) beleyde/ in handen geseedt sijn in name van sine en(de) dat hem/ metter poirterie(n) noch scepen(en) brieven van loven(e) daer/ aen gheen hynd(er) gedaen en sal w(er)den noch geschieden en(de)/ sal moghen p(rese)nt(ibus) lyminge(n) ca(pelle)[ma(n)] joh(anne) keyenoge everardo/ de wynge will(el)mo hekerlinck egid(io) h(er)meys nych(olao) de dormale/ will(elmo) naen joh(ann)e ma(n)demake(re) maii xx