Cond sij allen lieden dat goerd van braempt van bincken in p(rese)ncia/ heeft genome(n) en(de) bekent dat hij genome(n) heeft van willem(me) hughen/ van bincken thof des selfs willems gelegen te binckem met den/ huysen hoven wynende(n) lande(n) beemde(n) eeusele(n) en(de) allen ande(re)n/ hue(re)n toebehoirte(n) [tot] den voirs(creven) hove en(de) goede(n) behoe(re)nde uutgesceyde(n)/ tgroot woenhuys met sijne(n) toebehoirte(n) en(de) eene(n) hof voir dbac/ huys gelege(n) [te gade(r) met den duyfhuyse] dwelc de voirs(creven) willem alleen behoude(n) sal tot sijne(n)/ p(ro)fijt Te houde(n) te hebben en(de) te wynne(n) van halfmerte lest/ leden eene(n) t(er)mijn van sess jaren lang deen na dand(er)/ d(aer) nae volgen(de) elx jaers dae(re)n bynne(n) de voirs(creven) wy(n)nede/ lande om xxxii sacke corens pacht van binckem d(er) maten/ wael bereyt met wa(n)ne en(de) met vede(re)n d(er) maten van thien(en)/ te wete(n) vi halst(er) der selv(er) maten voe(r) een mudde gerekent/ te s(in)[t] andr(ies) misse apost(els) te bet(alen) en(de) te loven(e) te thiene(n)/ oft te diest daert den voirs(creven) willem(me) best genuege(n) sal/ te leve(re)n alle jae(re) den voirs(creven) t(er)mijn due(re)nde quol(ibet) ass(ecutu)[m]/ en(de) de voirs(creven) beemde en(de) eeusele om xxvi g(ri)pen te/ wete(n) xl pl(acken) alsulx paiments als telke(n) t(er)mijne van bet(alen)/ in borsen gaen sal voe(r) elke gripe gerekent te s(in)[te] m(er)tens/ misse inde(n) wynt(er) te bet(alen) alle jae(re) den voirs(creven) t(er)mijn due(re)nde/ en(de) telke(n) t(er)mijne als vervolghde schout It(em) is vorw(er)de dat/ de voirs(creven) wynne de voirs(creven) huyse houde(n) sal vand(er) ond(er)st(er) rikelen/ nederw(er)t op sijne(n) cost It(em) sal de selve wynne alle jae(re)/ leve(re)n ii[c] walme(re) om de huyse mede te decke(n) en(de) als/ men die verdect sal de voirs(creven) wynne den montcost/ gheve(n) en(de) de voirs(creven) willem de dachue(re)n bet(alen) It(em) sal/ de voirs(creven) wynne de voirs(creven) beemde ten afscheide(n) van sijne(n)/ t(er)mijne wael en(de) due(re)nde wael en(de) loflic bevreden en(de)/ de grechten en(de) wat(er)leyen vagen It(em) sal de voirs(creven) wy(n)ne/ den voirs(creven) [t(er) mynster scaden] willem(me) jairlix maken op de goede en(de) bemde(n)/ voirs(creven) also vele berhouts als hij behoeve(n) sal en(de) dat/ leve(re)n op sijne(n) cost den voirs(creven) willem(me) ten huyse d(aer) hij/ wonechtich sijn sal en(de) dies sal de wynne oec moge(n)
//
maken t(er) mynster scaden opte voirs(creven) goede tot sijnre b(er)ringe(n) behoef/ iii[c] mutsarts en(de) niet meer It(em) sal de voirs(creven) wynne alle/ tstroe vande(n) voirs(creven) goede(n) comen(de) int voirs(creven) hof brenge(n) en(de)/ ald(aer) ette(n) en(de) dmest d(aer) af come(n)de op dlant voirs(creven) vue(re)n/ tslants meesten p(ro)fijt It(em) sal de voirs(creven) wynne de/ voirs(creven) [huyse en(de)] lande ten afscheide(n) van sijne(n) t(er)mijn late(n) gelijc/ hij die vant tsijne(n) income(n) It(em) sal de wyne den voirs(creven)/

wyn te wete(n) iiii(½) bound(er) met rogge bezaeyt de storte/ om gedaen en(de) vii dachmael lants gerubraec gerubalct/ It(em) sal de voirs(creven) wy(n)ne den voirs(creven) willem(me) sijne(n) hof voirs(creven) wy(n)ne(n)/ en(de) mesten als te doen is en(de) dies sal hij hebben/ alle dmest vande(n) duyfhuyse It(em) sal de voirs(creven) wy(n)ne/ alle jae(re) copen en(de) brenge(n) int voirs(creven) hof xxv hope roggen/ stroes en(de) desgelix sal de voirs(creven) willem oft hij selve/ gheen beesten en hielde int voirs(creven) hof jaerlix gheve(n)/ copen xxv hoope stroes en(de) die sal de wynne halen/ It(em) want de voirs(creven) willem te pachte en(de) in hueringen/ genome(n) heeft ii cleyn beemde soe is vorw(er)de dat de/ voirs(creven) wy(n)ne die op den selve(n) co(m)mer aenveerde(n) sal en(de)/ willem(me) d(aer) af ontheffen en(de) de It(em) sal de voirs(creven) wy(n)ne/ de voirs(creven) lande wy(n)nen en(de) w(er)ven en(de) mesten gelijc/ sijne(n) regenoete(n) boven en(de) beneden It(em) want tcoe(re)n op/ de voirs(creven) lande ten [nu ten] ingaen vande(n) voirs(creven) t(er)mijne/ vii goede(n) ma(n)nen besien sal w(er)den soe is vorw(er)de/ dat men dat doen sal ten afscheide(n) vande(n) selve(n)/ t(er)mijne en(de) oft argher vonde(n) worde dan hijt vonde(n)/ heeft dat sal de wy(n)ne den voirs(creven) willem(me) op/ richten en(de) oft beter wae(r) daer af sal willem(me)/ den voirs(creven) wy(n)ne restitutie doen en(de) altoes t(er)/ taxacien van goede(n) knape(n) En(de) alle dese vorw(er)de(n) (et)c(etera)/ H(ier) af sijn borge(n) des voirs(creven) wy(n)nen (et)c(etera) henric noytens/ van glabbeke arnt vande(n) houte gord du(n)nepep(er)/ en(de) jan schevel cupe(r) et p(ri)m[(us)] quatuor p(ri)mi/ insup(er) p(ri)m[(us)] reliquos cor(am) lomb(art) abs(oloens) junii xx