It(em) want stoet en(de) tebat opv(er)staen is tusschen estiene hee(r) van yttre in deen/ zijde en(de) janne del viescourt poirte(r) van loven(e) wynne des voirscr(even)/ stevens in dande(r) alse van seke(re)n gescille en(de) alrehande stoete die/ sij deen ten ande(re)n w(er)t hebben soe sijn beyde voirs(creven) p(ar)tien/ comen voir scep(enen) van loven(e) en(de) hebben hen vande(n) voirs(creven) stoete/ gekeert en(de) gesubmitteert in segge(re)n en(de) vrientlic yffene(re)n te/ weten de voirs(creven) steven henrar in henry de scote en(de) ja(n)ne/ wynne des voirs(creven) stevens in sijn hof a pos en(de) de voirscr(even)/ jan del viescourt in pirarde [gerar] de heilechinez (et) ja(n)ne/ morial d van vissenail in alsulker voegen dat de voirscr(even)/ p(ar)tien hue(r) bescheyt van thoenisse en(de) anders den voirscr(even)/ iiii segge(re)n ov(er)gheven en(de) bij brengen sullen tusschen dit/ en(de) van heden in viii dagen naestcomen(de) en(de) dat dan de/ voirscr(even) seggers bynne(n) viii dagen d(aer) naest volgende hue(r)/ seggen vande(n) voirs(creven) gescille seggen en(de) uutspreken selen/ eendrechtichlic op dat sijs eens sijn en(de) of sijs niet/ eens en w waen soe selen sij samentlic eene(n)/ ov(er)man ne die noch p(ar)tie vand(er) eend(er) zijde(n) noch vand(er)/ ande(r) en sij nemen en(de) hem alle dbescheit des/ voir hen come(n) sal sijn ov(er)gheve(n) Ende dat gesciet/ sijnde soe wes de selve ov(er)man vand(er) voirs(creven) stote seggen/ of doen sal het sij met uutspraken oft van weder/ van hem int recht te setten dat hebbe(n) ge bynne(n)/ viii dagen d(aer) naest volgen(de) dat hebbe(n) geloeft/ beyde p(ar)tien vast en(de) gestedich te houde(n) en(de) of/ e(n)nig(er) p(ar)tien segg(er) gebrake die sal eene(n) ande(re)n gelike(n)/ man mogen nemen voe(r) den ghene(n) die also in/ bij d(er) hant niet en wae(r) lomb(ar)t abs(oloens) junii xviii