Cond zij allen lieden dat wout(er) de ke(m)me(re) soen mychiels wilen/ ke(m)me(re) es come(n) in jeg(enwordicheit) en(de) heeft genome(n) en(de) bekent dat hij genome(n)/ heeft van rase van grave(n) he(r) van heev(er)le en(de) van malevien de/ goede hier nae bescr(even) des selfs raes te wete(n) v dach(mael) lands/ myn xxii roeden gelege(n) te he(re)nt opt velt gehete(n) grote heyde/ It(em) (½) boend(er) lands myn xviii roede(n) gelege(n) ald(aer) opte cleynheyde/ neve(n) de goede jans vand(er) lynde(n) Te houde(n) te hebben en(de)/ te wynne(n) van halfm(er)te naistcomen(de) ene(n) t(er)mijn van twelf jae(re)n/ langc deen nae dand(er) sond(er) middel volgende te wete(n) elc/ boend(er) d(aer) af also verre alst inde mate strect om ii(½) mudde/ rox goet en(de) payabel d(er) mate(n) van loven(e) te s(in)te andries/ misse apost(els) te betale(n) en(de) te loven(e) [heev(er)le] te leve(re)n i alle jae(re) den/ voirs(creven) t(er)mijn langc due(re)nde en(de) telken t(er)mine als v(er)volghde/ schout It(em) sal de selve wynne de voirs(creven) i lande sine(n) t(er)mijn langc/ due(re)nde wynne(n) wel en(de) loflic gelijc sine(n) reengenote(n) en(de)/ die bynne(n) den lesten iii jae(re)n vande(n) selve(n) sine(n) t(er)mine eens/ wel en(de) loflic ov(er)mesten Voirt es vr vorw(er)de dat de voirg(enoemde)/ wynne de selve lande late(n) sal ten eynde van sine(n) t(er)mine/ gelijc dat hijse vynde(n) sal te sine(n) aencome(n) te wete(n) tvoirs(creven)/ half boend(er) myn xviii roeden met rogge bezaeit op sijn/ getidege voe(re)n i en(de) dand(er) v dach(mael) myn xxii roeden storte eens/ o(m)me gedaen ende alle dese vorw(er)den en(de) geloften (et)c(etera) hier/ af sijn b es borge des voirs(creven) wout(er)s als p(ri)ncipale sculde(re)n/ ind(eivisim) jan vand(er) stoct wonen(de) toesterhem et p(ri)m(us) vync/ boys sept(embris) p(ri)ma