SAL7329, Act: V°211.1-R°212.1 (163 of 334)
Search Act
previous | next
Act V°211.1-R°212.1  
Act
Date: 1434-12-04
LanguageNederlands

Transcription

2021-05-05 by Magda van Winkel
Item alsoe stoot ende gesc/
Item alsoe stoot ende gescille op verstaen wae(re)n tusscen he(re)n ja(n)ne van/
dongelb(er)ge ridder pete(re)n van dongelberge alse testamentuers symoens/
wilen vande(n) berghe gehete(n) de brouck en(de) alse naeste oer en(de) erfge/
name(n) met woute(re)n van dongelberge joffr(ouwe) oeden van boemale en(de)/
adaems van kerkem jonck(er) daems sone van kerkem des selfs sy/
moens in deen zijde ende lodewijck van dongelb(er)ge he(re)n jans/
sone van dongelb(er)ge dien den erfdom vande(n) hove te brouke vande(n)/
voirs(creven) wilen symone gelate(n) es in dand(er) zijde van alsulken/
gelde van silve(r) en(de) van goude sunderlinge alse die voirs(creven) wilen/
symoen in deerde oft in mue(re)n vermets achtergelate(n) mach hebbe(n)/
soe es opden dach van heden bij een deel vande(n) raide vander/
stat van loven(e) en(de) ande(re)n vrienden gedeedingt en(de) ov(er)drage(n) dat/
de voirs(creven) h(er) jan van dongelberge en(de) peter van dongelberge sijn/
brueder alse testame(n)toirders wilen symoens voirs(creven) met tween/
scepen(en) en(de) ene(n) clerck van loven(e) metgaders ene(n) notarijs trecke(n)/
en(de) come(n) selen op in maendage naestcome(n)de tot pete(re)n in/
des
pieterhain in des voirs(creven) wilen symoens hof o(m)me aldair/
alle die haefleke goede in wat materien dat die sijn oft/
wese(n) moege(n) metgaders alsulken gelde het sij bove(n) der eerde(n)/
oft ind(er) eerde(n) oft anders alse de voirs(creven) wilen symoen achter/
gelate(n) mach hebben bescreve(n) en(de) ene(n) inventarijs dair af/
gemaect te werden ende dat nyema(n)t dan die voirs(creven) testa/
me(n)toirders met den voirs(creven) tween scepen(en) en(de) clerc van loven(e) met/
gaders den notarijs en(de) den prieste(r) die tgelt dan ind(er) eerde(n)/
oft mue(re)n vermets is wesen sal dair bij oft ov(er) wese(n) en sal/
dair met tvoirs(creven) gelt tellen sal ende dat allet gelt dat/
inder eerden oft mue(re)n vermets vorde(n) sal worden [inden name des voirs(creven) lodewijx en(de) dat hen gelaten is] gebracht/
sal worden ond(er) de stat van loven(e) inder stat wissel aldair te/
dien eynde dat beyde de p(ar)tien voirs(creven) ene(n) vrientlike(n) dach met/
hoe(re)n vrienden houden selen bynne(n) der stat van loven(e) des
//
maendaighs voir kersdach naestcome(n)de ende alsoe verre als de selve/
p(ar)tien guetlic verenigen co(n)nen datmen dan met den voirs(creven)/
gelde dat inden wissel bracht sal sijn doen sal gelijc als dat/
ten voirs(creven) my(n)nentliken dage ov(er)drage(n) sal worden Mair oft/
de selve p(ar)tien ten voirs(creven) dage met mynne(n) niet verenicht/
en consten werden dat dan tvoirs(creven) gelt dat inder stat/
wissel voirs(creven) come(n) sal sijn bliven sal tot ter tijt toe dat den/
voirs(creven) stoot met den rechte get(er)mineert en(de) geslete(n) sal wese(n)/
ende bevonden met rechte wien tvoirs(creven) gelt toebehoe(re)n sal/
ende trecht gelopen sijnde vande(n) stote voirs(creven) soe salme(n) tselve/
gelt laten en(de) doen volge(n) den gene(n) dien dat aengewese(n)/
sal sijn sonder argelist Hier inne clairlic ondersproken en(de)/
gedeedingt dat dinbringe(n) vande(n) gelde dat inder eerden/
oft mueren vermets vonde(n) sal werden ind(er) stat wissel inder/
maten voirscr(even) gheenre p(ar)tien p(re)judijs oft hijnd(er) in sine(n) rechte/
doen oft inbrenge(n) en sal in e(n)neg(er) manie(re)n mair dat die/
vorderinge van rechte d(aer) af geschien sal oft selve gelt/
noch ind(er) eerden oft inden muere vermets bleve(n) ware/
actu(m) cor(am) burgim(a)g(ist)ris et aliis q(uam)pl(ur)ibus de consilio mens(is)/
decembr(is) die q(ua)rta
Contributorskristiaan magnus
Moderated bykristiaan magnus
Last update: 2020-02-24 by Jos Jonckheer