Van daniaul dou mortir van nyvel Tvonnisse tusschen janne hinckart woutmeester van brabant in/ deen zijde ende daniaul dou mortier van nyvel poirte(r) van loven(e)/ in dande(r) van dien dat de voirscr(even) jan den voirs(creven) daneele te woluen/ te rechte trecken woude mids eenen ghedinge dat geweest hadde/ voir de ma(n)ne van tuybeke tusschen de voirs(creven) daneele/ in deen zijde ende ostart dou chaine in dande(re) van ghelde comen(de)/ van eenen bossche toebehoe(re)nde den gasthuyse van sint(er) claes van/ nyvel daer af dat de selve ma(n)ne een vonnisse gewijst hadden/ Was uutgedragen met desen woirden nae aensprake v(er)antw(er)den/ en(de) thoenisse van beyden p(ar)tien dat alsulken aensprake als de/ voirs(creven) jan hinckart als woutmeest(er) ten voirs(creven) daneele w(er)t gedaen/ hadde den selven daneele gheen onstade doen en sal be/ houdelic dien heeft yemant den selven daneele yet aen te/ spreken dat hij dat doen mochte met den rechte p(rese)nt(ibus)/ will(el)mo lomb(ar)t joh(anne) de borch(oven) mych(aele) abs(oloens) nych(olao) kersmaker et a(rnoldo)/ vynck scab(inis) lov(aniensibus) oct(obris) s(ecund)[a]