Van gheerde scroten/ Gheert scroten die ov(er)midts vo(n)nisse van scepen(en) brieve(n) van loven(e)/ beleidt es tot den goeden gielijs gielijs natuerlic soens h(e)r(e)n giel(ijs)/ wilen ghielijs van nederwynde priesters de welke gheert met/ der stat brieve(n) van loven(e) [op de dach van heden] hadde doen inscrive(n) en(de) dach doen/ henricke(n) en(de) willem(me) ghielijs natuerlic kijnde(re)n des voirs(creven) wile(n)/ h(e)r(e)n ghiel(ijs) dair de selve henr(icke) en(de) willem niet voir oege(n)/ en quame(n) heeft hem gep(rese)nteert opde(n) dach van hede(n) voirs(creven) inde/ banc voir meye(r) en(de) scepen(en) van loven(e) versuekende want sij hem/ ongebruyc daden aen huys en(de) hof met sijnre toebehoirte(n)/ gelege(n) te ned(er)wynde tusscen de goede willems ghielijs ende/ beatrice(n) sgruyt(er)s datmen hem d(aer) af houden soude in sijne(n)/ beleyde (et)c(etera) also dat de mer h(e)r(e)n scep(enen) van lov(en) ter manisse(n)/ smeyers wijsde(n) voir een vo(n)nisse datme(n) den selve(n) gheerde/ vande(n) voirs(creven) goede(n) houde(n) soude in sijne(n) beleyde also v(er)re alst noch/ voir hen come(n) was p(rese)nt(ibus) will(elm)o lomb(ar)t jo(hannis) de borch(oven) mych(aele) abs(oloens)/ nych(olao) kersmak(ere) et andree de voshe(m) scab(inis) lov(aniensibus) nove(m)br(is) xxiii