Het is my(n)nentlic gededingt tusschen h(ere)n symoen pynnoc/ ridder in deem zijde en(de) vrouwe katlijnen sijnre medege/ sellynnen [in dande] bij rade ende goetduncken van hue(re)r beyder/ vrienden de punten hier na bescreven Inden yersten/ soe selen vrouwe magriete wedewe h(er) wouters/ wilen van quaderebbe ridders h(er) symon pynnoc/ ridder en(de) vrouwe katlijne sijn medegesellinne wettige/ dochter vrouwe magrieten voirscr(even) samentlic bekenne(n)/selen eenen schoutbrief voir scepen(en) van loven(e) henricke/ absoloens daer mede dat de selve henric met/ hue(re)r alre wille en(de) consente ter stont beleit sa w(er)den/ tot allen den omberuerliken goeden vrouwe m(ar)grieten/ h(ere)n symoens en(de) vrouwe katlijnen voirscr(even) om met/ machte van dien beleide te volvue(re)n tghene dat/ hier na gevorw(er)t en(de) verclaert steet en(de) niet/ voirde(r) Te weten inden yersten so eest gededingt
//
en(de) gevorw(er)t oft also geboerde dat de voirs(creven) h(er) symon voe(r) vrouwe katlijne(n)/ sijnre medegesellynne(n) sonder wettighe geboirte van hue(re)r beyder/ live acht(er) te laten aflivich worde dat dan de voirs(creven) henr(ic)/ absoloen met machte vanden brieven voirs(creven) der voirscr(even)/ vrouwe katlijnen houden sal hue(re)n leefdach lanc en(de) niet/ lang(er) peyslic en(de) vredelic in beyde de wuwers met/ hue(re)n toebehoirten gelegen in horsterbroec daer inne dat/ de voirs(creven) h(er) symoen gegoedt en(de) geerft is voir meyer en(de) scepen(en) van loven(e) en(de) in alle des voirs(creven) h(er) symoens/ ander goede die hij opten dach van heden mett(er) hant/ heeft of besittende is en(de) niet voirder met sulker vuegen/ dair toe gedaen oft de voirs(creven) h(er) symoen de voirscr(even) twee/ wuwers vercochte dat henric absoloens voirs(creven) dair af/ met den voirs(creven) scepen(en) brieven guedinge doen sal op/ vuege en(de) condicie datme(n) met allen den geheelen/ gelde vande(n) voirs(creven) ii wuwers come(n)de copen sal lijftocht/ op des voirs(creven) h(er) symoens en(de) vrouwe katlijne(n) sijnre mede/ gesellynnen lijf oft op elx lijf even vele Item is des/ gelijx gededingt oft so gebuerde dat de voirs(creven) vrouwe/ katlijne des voirs(creven) h(er) symoens medegesellynne aflivich/ worde sonder wettich geboirte van hue(re)r beyder live acht(er)/ te laten voir h(ere)n symoen voirs(creven) dat dan de voirscr(even)/ henric absoloens met machte vande(n) voirs(creven) brieven/ houden sal peyslic en(de) vredelic den voirs(creven) h(ere)n symoen/ also langhe als hij leven sal en(de) niet lang(er) in/ allen den goede(n) die de selve vrouwe katlijne nu/ t(er) tijt mett(er) hant heeft Ende is noch gede/ dingt oft also geboirde dat de voirs(creven) vrouwe/ magriete moeder der voirs(creven) vrouwe katlijnen/ aflivich worde voir vrouwe(n) katlijnen hue(re)r docht(er)/ voirs(creven) en(de) dat de selve hue(r) docht(er) aflivich worde
//
voir h(ere)n symoen pynnoc hue(re)n medegeselle dat dan de/ voirs(creven) henr(ic) absoloen joffr(ouwe) marien gheerts huysvrouwe/ vander borch oft hue(re)n kijnde(re)n t(er) stont met machte/ vanden voirs(creven) brieven soude doen volgen de omberuerlike/ goede die de voirs(creven) vrouwe m(ar)griete nu be wedewe/ nu besedt tot hue(re)r tocht en(de) die vrouwe katlijne(n)/ hue(re) docht(er) van hue(re)r moeder verstorven waren/ sonder h(ere)n symoen voirs(creven) d(aer) inne e(n)nich tocht te/ behoude(n) behoudelic h(ier) inne oft h(er) symoen en(de)/ sijn medegesellynne e(n)nige van allen den goeden/ voirs(creven) met hue(re)r beyder consente en(de) wille v(er)cochten/ dat dan de voirs(creven) henric t(er) begherten van hen/ beyden en(de) anders niet met machte vanden/ voirs(creven) brieven van alsulken vercochten goeden gue/ dinge doen sal ende oec oft geliefde den voirs(creven)/ h(ere)n symoene en(de) vrouwe kat(lijnen) sijnre mede/ gesellynnen samentlich e(n)nich testament te maken/ dat de voirs(creven) henric absoloens alsulke(n) testam(en)t/ ombelet soude laten sijnen voertganc hebben en(de)/ met den brieve(n) gheen hynder dair jegen doen/ maer soude dat vestigen mette(n) selven brieven/en(de) [oft] hem geliefde Voert is gededingt dat de/ lanxte levende van h(ere)n symoene en(de) vrouwe/ kat(lijnen) sijnre medegesellynnen voirs(creven) sijnen vryen/ eyghenen wille sal mogen doen mette(n) goeden/ van sijnre zijden comen sijnde na dat de geheele(n)/ stoel gescheiden sal sijn niet wed(er)staende den/ voirs(creven) beleide Item is voert gededingt want/ de scepen(en) brieve van loven(e) niet en slaen op
//
de twee pont onder grote erfeliker renten die de/ voirs(creven) h(er) symoen heeft op de stat van thienen/ dat de voirs(creven) h(er) symoen also vele doen sal/ bynnen eenen jare naestcomende dat de/ voirs(creven) vrouwe kat(lijnen) sijn medegesellynne d(aer)/ af vast en(de) seker sijn sal of sij langher/ leefde dan de voirs(creven) h(er) symoen dat hue(r)/ die hue(re)n leefdach lanc peyslic en(de) vredelic/ volgen selen It(em) is noch gededingt dat de/ voirs(creven) h(er) symoen die brieve vand(er) guedingen/ vande(n) tween wuwe(re)n voirs(creven) te voe(re)n vidi[(mus)]/ onder scepen(en) segel van loven(e) d(aer) uut gemaect/ datme(n) t(er) stont dien sal bringen en(de) setten sal/ in hande(n) henrix absoloens voirs(creven)/ It(em) om alle en(de) yegelike dedinge vorw(er)den en(de) co(n)dicien/ voirs(creven) volcomelic gehouden te w(er)den soe hebben de/ voirs(creven) vrouwe magriete wedewe h(er) wouters wilen/ van quaderebbe ridders h(er) symoen pynnoc ridd(er)/ vrouwe katlijne sijn medegesellynne en(de) henr(ic) abs(oloens)/ gebede(n) den scepen(en) van loven(e) h(ier) ond(er) genoempt/ dat sij op hen alle dese punten dragen ende/ tuygen willen dat die gelijc also sij boven/ gescr(even) staen gesciet sijn met wille en(de) consente/ een yegelix van hen allen en(de) heeft geloeft/ een yegelic van hen de selve pendite? geheelic/ en(de) alst in hen is te voldoen sond(er) e(n)nich hind(er)/ d(aer) inne te slaen in e(n)nig(er) manie(re)n en(de) al sond(er)/ argelist cor(am) borch(oven) abs(oloens) scab(inis) lov(aniensibus) fe(bruarii) xxiii