Cond sij allen lieden dat oscart plumet van heviler/ es comen in jeg(enwordicheit) der scepen(en) van loven(e) en(de) heeft genome(n)/ en(de) bekent dat hij genomen heeft van h(ere)n gheerde van/ rotselare [abdt] des cloest(er)s van vileer thof des selfs/ cloesters gelegen louvergnez met de wynne(n)den/ landen daer toe horende Te houden te hebben en(de)/ te wynnen van inganck mey dat was int jaer/ ons he(re)n dusent vierhondert et en(de) sevene(n)twintich/ enen t(er)mijn va(n) twelf jaren lang deen na dand(er)/ sond(er) middel volgende elx jaers daren binnen om/ vertich mudden rox goet en(de) payabel met wa(n)ne/ en(de) vlegele wel bereyt mate van wave(r) te s(in)[te] a(n)dries/ misse apostels te betalen en(de) inden cloeste(r) van vileer/ te leveren alle jae(re) den voirs(creven) t(er)mijn duerende en(de)/ telken t(er)mijne als v(er)volghde schout Item sal de voirs(creven)/ wynne hebben de beemde hier na volgende den voirs(creven)/ t(er)mijn duerende Inden iersten den beemt dimen/ heet den beemt van beerges gelegen tusschen/ beerge en(de) wave(r) in dre [drie] stucken houende vi dach(mael)/ vore drie r(ijnsche) gul(den) It(em) noch eenen beemt gelegen
//
t(er) plaetsen geheeten walrande neven [dat] cloest(er)e van wave(r)/ houende ii bonde(r) en(de) een (½) dach(mael) oic in drie stucken gelegen/ voe(r) v aenche [vijf] arnhemsche gul(den) alle jae(re) te s(in)[te] mertens misse/ inden wynt(er) te betalen den voirs(creven) t(er)mijn duerende en(de) telken/ t(er)mijn als v(er)volghde schout It(em) want m(ijn) h(er) da t de abdt/ geleent heeft den voirs(creven) wynne x mudde corens x mudde/ eevenen en(de) xx x xxxvi crone(n) vranc(rijx) also nu gemeylic/ in borssen gaen soe eest dat de voirs(creven) wynne tvoirs(creven) [tvoirs(creven)]/ prest betalen sal te uutgaen van sijne(n) voirs(creven) t(er)mine/ En(de) es vorw(er)de dat de voirs(creven) wynne de voirs(creven) lande wel en(de)/ loflick sal wynne(n) en(de) werven gelijc sijne(n) reengenoeten/ boven en(de) beneden dats te weten den wynt(er)aert op vier/ gethiedege voren en(de) den zomerardt op twe getidege/ voren It(em) sal de voirs(creven) wynne de voirs(creven) goede laten/ ten uut ganc va(n) sijnen vois(creven) t(er)mijne gelijc hij die/ vant in sijnen aencomen dats te vete(n) als voirs(creven) steet/ It(em) want de voirs(creven) wynne de eelf bond(er) lants gelegen/ de dyon wert wart [met] den lande gelegen totden [behorende te ten] selven/ arde vant besayt met wynt(er) coren Es gevorwert dat hij/ de voirs(creven) lande ten uut ganck va(n) sijne(n) voirs(creven) t(er)mijne/ laten [sal] gelijc hij die vant in sijnen incomen It(em) is gevorwert/ waert dat sake dat de voirs(creven) wynne ten uut ganc va(n)/ sijne(n) voirs(creven) t(er)mine [op] de voirs(creven) goede liete wel [meer] besayt met/ meer wynt(er) coren dan hij die in sijne(n) aencome(n) vant/ so salme(n) dat surplus dat me(n) alsoe bevyent deylen/ half en(de) half It(em) sal de voirs(creven) wynne allet stroe en(de) caf
//
comen(de) va(n)den voirs(creven) goeden met sijne(n) beeste(n) eete(n)/ en(de) v(er)teren binne(n) den voirs(creven) goede [hove] en(de) va(n)den voirs(creven)/ stroe ald(aer) meestmaken en(de) sal de voirs(creven) wyn dat meest wuren opde voirs(creven) lande en(de) dlants meeste(n)/ ten meesten p(ro)fite It(em) e is gevorwert dat de voirs(creven)/ wyn jairlijx leve(re)n sal den voirs(creven) t(er)mijn duere(n)de/ iiii[c] walme(re) om de huysige(n) d(aer) me te v(er)decken/ en(de) wa(n)neer dat me(n) de voirs(creven) walme(re) op de voirs(creven)/ huysi(n)ghe v(er)deecht da(n) sal de voirs(creven) wynne den/ werchliden den montcost gheven en(de) m(ijn) he(r) sal/ de dachueren betalen Item sal de voirs(creven) wynne/ de voirs(creven) huysighe houde(n) n in goeden state va(n)den/ ond(er)sten rijkelen ned(er)wert It(em) ware dat sake/ dat de voirs(creven) mijn he(r) in deen zijde en(de) de wy(n)ne/ in dande(r) deen va(n) den a(n)de(re)n scheyde(n) wouden dat/ moghen sij doen va(n) ses jaren te ses jaren en(de)/ niet anders en(de) wa(n)ner [dat de ghene] die va(n)den a(n)deren so scheyden/ wilt soe sal hij dan dat den anderen condighe(n)/ en(de) laten weten i jaer te vore(n) borch(oven) kersmake(re)/ ap(ri)lis iiii