It(em) jan soen gielarts de pekerot wonen(de) te bossut in jeg(enwordicheit)/ der scepen(en) van loven gestaen heeft genome(n) en(de) bekent dat/ hij genomen heeft van janne van nethene(n) diemen/ heet vande(n) royele als momboir wouters van nethen(en)/ sijns soens inden name en(de) van wege(n) des self wout(er)s/ sijns soen thof geheten t(er) meren geleg(en) te bossut/ met [allen] sijnen toebehoirte(n) te houden te hebben en(de) te/ wynnen van uutganc april naestcomen(de) eene(n) t(er)mijn/ van neghen jaren deen na dand(er) sond(er) middel/ volgen(de) elx jaers dae(re)n bynnen om neghenthiene/ mudde rox en(de) x mudde tarwen elx corens goet/ en(de) paiabel d(er) maten van loven(e) te sinte andr(ies)/ misse apostels te betalen en(de) te loven des voirs(creven)/ jans huys te leve(re)n alle jae(re) den voirs(creven) t(er)mijn/ due(re)nde en(de) telken t(er)mijne als vervolghde scout/ It(em) is vorw(er)de dat de voirs(creven) jan [wynne] alle jae(re) den/ voirs(creven) t(er)mijn due(re)nde leve(re)n sal v[c] goed(er) custber/ walme(re) en(de) alsmen die verdect of anders aen/ de huyse plect dat des voirs(creven) wynne(n) beesten/ gebroken hadden daer af sal de voirs(creven) wynne/ den werclieden den montcost gheven en(de) jan/ sal de dachue(re)n betalen It(em) sal de voirs(creven) wynne/ alle tstroe vande(n) voirs(creven) goede(n) come(n)de bringen/ int voirs(creven) hof en(de) dat etten en(de) verte(re)n met/ sijnen beesten en(de) te mest maken en(de) dmest/ vue(re)n op tvoirs(creven) lant tslants meesten profite/ It(em) en mach de voirs(creven) wynne bynnen den voirs(creven)/ t(er)mijne gheen and(er) lande wynne(n) noch van/ nyema(n)de houde(n) dan vande(n) voirs(creven) janne It(em)/ sal de voirs(creven) wynne copen j alle jae(re) den voirs(creven) t(er)mijn/ due(re)nde [c] schoove stroes desgelix sal de voirs(creven)
//
jan van nethene(n) oec copen d jairlix dierste vijf jaer/ vande(n) voirs(creven) t(er)mijne hondert schoove stroes welc stroe/ geheelic de voirs(creven) wynne etten sal en(de) sliten met/ sijnen beesten en(de) dmeest d(aer) af comen(de) op tvoirs(creven) lant/ vue(re)n tslants meesten p(ro)fite It(em) sal de voirs(creven) wynne/ de huysinge vande(n) voirs(creven) hove vande(n) ond(er)ster rikelen/ ned(er)w(er)t [houde(n) op sijnen cost] It(em) sal de voirs(creven) wynne de voirs(creven) lande/ wel en(de) loflic wynne(n) werven en(de) mesten op sijn/ getidege voren gelijc reengenoete(n) boven en(de) beneden/ den voirs(creven) t(er)mijn due(re)nde It(em) sal de voirs(creven) wynne/ de voirs(creven) lande ten eynde van sijne(n) voirs(creven) t(er)mijne/ laten gelijc hij die vant tsijne(n) incomen te wete(n)/ x dachmael d(aer) af bezaeyt met tarwen vii(½)/ boend(er) met rogghe vi(½) boend(er) bezaeyt met zomer/ coerne vii boend(er) bezaeyt met evenen en(de) dand(er)/ lande braken eens om gedaen It(em) sal de voirs(creven) wynne/ de voirs(creven) goede wael bevreedt houde(n) de grechte(n)/ rumen en(de) die also wel en(de) loflic bevreedt laten/ It(em) sal de voirs(creven) wynne de beemde vande(n) voirs(creven) hove/ en(de) de weyde vande(n) bog(ar)de alleen hebben en(de) [vande] doefte/ vande(n) selve(n) bog(ar)de is vorw(er)de dat de voirs(creven) jan en(de)/ de wynne half en(de) half deylen selen It(em) selen [sal] de/

voirs(creven) jan tduyfhuys ald(aer) doen maken It(em) en mach/ de voirs(creven) jan wynne de lande ten lesten jae(re)/ niet hoervruchten ende alle dese voirs(creven) vorw(er)den/(et)c(etera) H(ier) af is borghe des voirs(creven) wynne(n) als/ p(ri)ncipael sculde(r) ongesund(er)t en(de) ongeschende(n)/ en(de) elc voir al ernar del me de bossut/ et p(ri)m(us) lomb(ar)t kersmake(re) maii vi