Van h(e)r(e)n ja(n)ne vanden hellegate en(de)/ meest(er)n pete(re)n voet/ Tvo(n)nisse tusscen he(re)n janne vanden hellegate priest(er) ende meeste(re)n/ pete(re)n voet die ov(er)midts vo(n)nis van scepen(en) brieve(n) van loven(en) beleidt/ sijn tot den goede(n) margriete(n) wedewe robeerts wilen stipelarts/ in deen zijde en(de) janne wijnrix van arscot stas sone in dande(re)/ Alse vanden goeden h(ier) nae bescr(even) te wete(n) van ene(n) huyse en(de) hove/ met den lande dair toe hoe(re)nde en(de) allen ande(re)n sine(n) toebehoirte(n)/ gelegen tarscot buyten poirte(n) neve(n) de strate aldair in deen zijde/ en(de) berthelmeeus [goede] van gheele in dande(re) was uutgedrage(n)/ met desen woirde(n) nae aensprake verantwerde(n) na thoenisse/ en(de) nae al dats voir de scepen(en) come(n) was dat den voirs(creven) m(ar)griete(n)/ tocht aen de voirs(creven) goede volge(n) soude p(rese)nt(ibus) will(elm)o lombart/ joh(ann)e de borch(oven) nych(olao) kersmake(re) (et) arnoldo vynck scab(inis) lov(aniensibus) aug(usti)/ iii/