Cond zij allen lieden dat jan de smet van erkene(n) es come(n)/ in jeg(enwordicheit) en(de) heeft genome(n) en(de) bekent dat hij genome(n) heeft/ van he(re)n ja(n)ne vande(n) horneke canonck regul(ie)r en(de) pytanch(ie)r/ scloesters van p(er)ke inden name en(de) vand(er) voirs(creven) pytanchien/ wegen alle de lande beemde en(de) eeussele der selver pyta(n)chie(n)/ gelege(n) te erkene(n) en(de) aldair omtrent met allen den gedeelte/ en(de) rechte dat de voirs(creven) pytanchie heeft inde groete thiende/ van erkene(n) gelijc als de pytanchie vande(n) voirs(creven) cloeste(r) de voirs(creven)/ lande beemde en(de) eeussele en(de) tgedeelte vand(er) thiende voirscr(even)/ ald(aer) houdende es Te houden te hebben en(de) te wynne(n) van/ s(in)t jans misse baptiste(n) dan sijn sal int jair xiiii[c] xxxvii/ ene(n) t(er)mijn van twelf jae(re)n langc deen nae dand(er) dair nae/ staphans volge(n)de elx jairs dae(re)n bynne(n) om sessentwintich/ mudde rogx goet en(de) payabel d(er) mate(n) van lov(en) alsulx als dair/ omtrent gemeynlic wassen sal met wa(n)ne en(de) met veede(re)n/ wel bereyt te s(in)te andries misse apostels te betale(n) en(de) bynne(n)/ den voirs(creven) clooste(r) te leve(re) alle jae(re) den voirs(creven) t(er)mijn due(re)nde en(de)/ telken t(am)q(uam) ass(ecutu)[m] also dat de voirs(creven) wynne bynne(n) den voirs(creven) xii/ jae(re)n betale(n) sal xii pachte met alsulk(er) vorwairde(n) soe wa(n)neer/ hij den voirs(creven) pacht int voirs(creven) cloester leve(re)n sal datme(n) hem/[dan] doen sal sine(n) montcost met alsulk(er) vorw(er)den dat de voirs(creven) wy(n)ne/ de voirg(eruerde) lande bynne(n) den voirs(creven) t(er)mine eens wel en(de) loflic/ ov(er)mesten sal gelijc reengenoete(n) It(em) mach de voirs(creven) wynne/ bynne(n) den voirs(creven) t(er)mine de haghen afhouwen willege(n) ende/ popele(re)n truncke(n) te behoirliken tide ende wairt dat dair/ e(n)nich boem verdroeghde dien sal de voirs(creven) wynne moege(n)/ afhouwen en(de) van [voir] elken twee pote(n) vande(n) selve(n) aerde [weder] sette(n)/ en(de) opvueden Wairt oec alsoe dat de voirs(creven) wynne aen/ de voirs(creven) goede en(de) thiende(n) bynne(n) den voirs(creven) t(er)mine scade/ name oft lede van tempeesten oft van gemeyne(n) orloge/ dair af sal hem de voirs(creven) pytancie rastoer doen gelijc ande(re)/ he(re)n hoe(re)n wi wynne(n) bove(n) en(de) benede(n) doen selen Behoudelic
//
dien dat hij hen die scade kundige(n) sal bynne(n) xiiii nachte(n) nae/ dat sij geschiet sal sijn Voirt es vorwairde dat de vors(creven) wynne/ de voirs(creven) lande late(n) sal ten eynde vande(n) voirs(creven) t(er)mine also hijse/ vant in sine(n) aencome(n) dats te wete(n) drie boond(er) in hezendelle/ en(de) noch een boond(er) in hezendelle gelege(n) neve(n) dlant sjonck(ere)n/ van zeyne wel en(de) loflic besaeit en(de) gewo(n)nen met wijnt(er) corne/ op iii voe(re)n It(em) iiii boend(er) en(de) i(½) dach(mael) bezaeit wel en(de) loflec met/ zomercoirne op twee voe(re)n It(em) de brake te wete(n) iii dach(mael) lands/ en(de) noch (½) boend(er) lands gelege(n) neve(n) den bosch des he(re)n van lynte(r)/ ende noch een dach(mael) lands geleg(en) neve(n) den bosch voirs(creven) It(em) noch/ een dach(mael) lands gelege(n) neve(n) den selve(n) bosch It(em) noch een dach(mael)/ lands gelege(n) ald(aer) inden hornic neve(n) den voirs(creven) bosch It(em) noch/ een half boond(er) lands gelege(n) te heyzen sal de wynne late(n) ten/ eynde van sine(n) voirs(creven) t(er)mine tweew(er)ve(n) om gedaen Voirt es vorwarde/ dat de voirs(creven) wynne ten leste(n) jae(r) vande(n) voirs(creven) t(er)mine hebben sal/ de helcht van alle der vrucht staende en(de) sijnde ten eynde vande(n)/ voirs(creven) t(er)mine op de voirs(creven) lande sond(er) e(n)nige(n) pacht d(aer) af te gheve(n)/ of te betale(n) mair hij en mach gheen recht hebben noch behoude(n)/ inde beemde noch inde voirs(creven) thiende buyte(n) sijne(n) voirs(creven) t(er)mine Hier/ af sijn borge(n) des voirs(creven) jans de smet als p(ri)n(cipal)[les] ind(ivisim) (et)c(etera) segher/ de smet sijn brueder [en(de)] reynuwart des dez blanckes da(m)mez et p(ri)m(us)/ vynck boys junii xxviii