Cond sij allen lieden dat claes van langendonc es comen in/ jeg(enwordicheyt) der scepen(en) van loven(en) en(de) heeft genomen jegen joese absoloens/ nu ter tijt scepen te loven(en) thof ter hofstat des selfs joes gelege(n)/ inde p(ro)chie van haeght met den wy(n)nende(n) landen beemde(n) en(de) eeusele(n)/ daer toe hoe(re)nde gelijc henric wilen vande(n) broeke de voirs(creven) goede te houde(n)/ plach te houden te hebben en(de) te wy(n)nen van hi uutganc meye lestlede(n)/ ene(n) t(er)mijn van viii jae(re)n lang deen nae dand(er) sond(er) middel volgende/ elx jaers dae(re)nby(n)nen om negenthien en(de) een half mudde(n) rogs goet en(de)/ payabel der maten van loven(en) te s(en)[t] and en(de) xxiiii gulden(en) te wete(n) xl pl(ecken)/ alsulx payments als telken t(er)mine van betalingen in brabant in borsen/ gaen sal voir elken gulden gerekent te s(en)[t] andries misse apostels te/ betalen en(de) te loven(en) te leve(re)n jaerlex den voirs(creven) t(er)m en(de) vande(n) voirs(creven) beemde(n)/ en(de) eeuselen sal de voirs(creven) wy(n)ne jaerlix gheve(n) vii rijnsche gulden(en) te s(en)[te]/ m(er)tens misse inden wynter te betalen alle jae(re) den voirs(creven) t(er)mijn due(re)nde/ en(de) telken t(er)mine als vervolghde schout It(em) es vorwerde dat de voirs(creven)/ wy(n)ne de voirs(creven) lande jaerlix wel en(de) loflic wy(n)nen sal gelijc sinen/ reengenoten boven en(de) beneden en dat hi ten uutgaen vande(n) voirs(creven) t(er)mine/ den wynt(er)art wel en(de) loflic besayt laten sal met wynt(er)corne op/ vier getideghe voren den zom(er)art op drie voren en(de) de brake eens omgedaen/ It(em) en sal de voirs(creven) wy(n)ne gheen stroe uut den voirs(creven) hove mogen vue(re)n/ mar dat ald(aer) etten met sine(n) beesten mest d(aer) af make(n) en(de) dat op tvoirs(creven) lant vue(re)n slants meesten p(ro)fite voert sal de voirs(creven) wy(n)ne jaerlix leve(re)n/ l mandelen walme(re) om de huyse mede te decke(n) en(de) als men die verdect/ sal de wy(n)ne den wercliede(n) den montcost gheve(n) en(de) joes sal de dach(hueren) betale(n)
//
En(de) waert dat de voirs(creven) joes aen de huyse aldair iet dede reken/ daer sijs behoefde(n) soe soude de wy(n)ne den wercliede(n) den cost gheve(n)/ en(de) joes de dachue(re)n betalen mar dade hi enige nuwe huyse d(aer) maken/soe [d(aer) af] soude de wy(n)ne d(aer) a ongelast sijn It(em) sal de voirs(creven) wy(n)ne op tvoirs(creven)/ goet te behoirliken tide [mogen truncke(n)] alsoe vele wilghen als hi behoeve(n) sal de selve/ goede mede te bevrede(n) en(de) verdroeghde(n) d(aer) enige wilghen die sal hi moge(n)/ afhouwen en(de) voir elke twee leve(n)de poten setten vande(n) selve(n) arde/ behoudelic dien dat de voirs(creven) joes alle jae(re) sal mogen doen maken vande(n)/ voirs(creven) wilghen viii [c] wijngartstaken en(de) die sal hem de selve wy(n)ne/ vue(re)n aen sine(n) wijngart op royberch It(em) es vorwerde dat de voirs(creven)/ wyn hebben sal alle doeft dat by(n)nen den voirs(creven) hove wassen sal en(de) doeft/ dat inden bogart aldair wassen sal sal de voirs(creven) joes allene hebben/ en(de) dat sal hem de wyn jaerlix te loven b(re)ngen en(de) de wyn sal hebbe(n)/ de wyntvellinge inde(n) selve(n) bogart te rapen It(em) es vorwe(r)de dat de/ voirs(creven) wy(n)ne den voirs(creven) joese jaerlix te loven(en) b(re)nghen sal thoey van/ vijf dachmalen beemts in lovene(re)nbeemde gelegen h(ier) af sijn borge(n)/ des voirs(creven) wy(n)nen als p(ri)ncipael sculde(re)n onv(er)scheyde(n) en(de) elc voe(r) al/ jan lambrechs lambrecht lambrechs sijn f brued(er) van wencsele/ aert vand(er) eect van wackersele lodewijc van langendonc van wencsele/ et p(ri)m(us) calst(ris) naen junii xxvii
//