Cond sij alle(n) liede(n) dat willem van monthove(n) van wynghe/ es come(n) in jeg(ewoirdicheit) en(de) heeft genome(n) en(de) bekent dat hij genome(n) heeft/ van h(e)r(e)n janne van weys gehete(n) van deurne proefst scloesters van/ tsh(er)toghe(n) eynlant bij gheempe inde(n) name en(de) van weghe(n) des voirscr(even)/ cloesters thof des selfs cloesters gelege(n) te nuwerode mette(n) huysen/ hoven wynnende landen beemden eeusele(n) en(de) allen hue(re)n toebeh(oirten) Te/ houde(n) te hebben en(de) te wynnen van halfmerte dat sijn sal int jair/ onss he(re)n duysentvierhond(er)t en(de) sevene(n)dertich ene(n) t(er)min van ix/ jae(re)n lang deen nae dand(er) sond(er) middel volgende elx jaers/ dae(re)n bynne(n) te weten de voirs(creven) lande om xx mudde(n) roghs/ goet en(de) payabel met wanne en(de) met veede(re)n wel bereyt d(er) mate(n)/ van loven te sente andr(ies) misse appostels te betale(n) en(de) in tvoirscr(even)/ cloest(er) op den spijker des selfs cloest(er) oft taerschot d(aer)t de(n) voirs(creven) proefste/ best genuege(n) sal te leve(re)n op cost des selfs willems alle jae(re) den/ vors(creven) t(er)mijn due(re)nde en(de) telk(en) t(er)mijn als v(er)volghde schout en(de) de/ voirscr(even) beemde en(de) eusele(n) elx jaers dae(re)n bynne(n) om ene(n)dertich/ rynsche gul(den) goet van goude en(de) gheve of de weerde d(aer) af in ande(re)n/ goede(n) gelde te s(in)[te] m(er)tens misse inde(n) wynter te bet(alen) de(n) voirs(creven) h(e)r(e)n ja(n)ne/ alle jae(re) den voirs(creven) t(er)mijn due(re)nde quolib(et) ass(ecutu)[m] Item is vorw(er)de dat de/ voirs(creven) wyn alle stroe [de helicht vanden stroe comen(de) vand(er) thienden] dat vande(n) voirs(creven) lande of vand(er) grot(er) thiende(n)/ come(n) sal sal moete(n) brenge(n) int voirscr(even) hof en(de) ald(aer) etten met sijnen/ beesten en(de) dmest d(aer) af comen(de) op tvoirscr(even) lant vue(re)n tslants meeste(n)/ p(ro)fijte en(de) nerghens elde(r) [It(em) voe sal de voirs(creven) wy(n)ne jaerlix noch gheve(n) voir xxviii mandele(n) stroes voir elc ma(n)dele viii pl(acken)] It(em) sal de voirscr(even) wynne(n) leve(re)n te ghempe/half thoey [sesse voeder hoeys] dat den voirs(creven) cloeste(r) te duenberge toebehoe(re)nde is It(em)/ sal de voirs(creven) wynne de(n) voirs(creven) proefst alle jae(re) halen de(n) voirs(creven) t(er)mijn due(re)nde
//
drie vette hamele gheve(n) It(em) sal noch de voirs(creven) wynne den voirs(creven)/ proefst houden en(de) vueden over tijt wynt(er) en(de) zom(er) een rynt gelijc/ sijne(n) melccoyen Ite(m) sal de voirs(creven) wynne den voirs(creven) proefst alle jae(re) hale(n)/ op sijnen cost drie voed(er) wijns tarschot oft te langdorp d(aer) de voirs(creven)/ proefst dien te halen sal hebbe(n) Ite(m) sal de voirs(creven) wyn houde(n) vande(n)/ voirs(creven) cloeste(r) scape te drie jae(re)n en(de) van nyeman(de) anders alsoe/ vele als men weselic int voirs(creven) hof houden mach Item gevielt oeck/ dat god verhuede dat e(n)nich scade in tvoirs(creven) hof gesciede van brande/ oft anders die toequame bij sculden vande(n) voirs(creven) wynne of sijns gesins/ soe is vorweerde dat de voirs(creven) wynne den voirs(creven) goidshuyse/ de selve scade oprichten sall Item en sal de voirs(creven) wynne op de voirs(creven)/ goede gheene berringhe moeghen houwen noch maken dan dair men/ hem die bewijsen sal t(er) mynster scaden en(de) in relicheiden Ende w(ar)t/ alsoe dat opte voirs(creven) goede e(n)nighe boeme verdroeghden die sall/ de voirs(creven) wynne moeghen afhouwen en(de) behouden en(de) voe(r) elken/ verdroeghden boem twee levende poeten setten vanden selven aerde/ Item sal de voirs(creven) wynne de voirs(creven) lande tallen drie jae(re)n wel/ en(de) loflic overmesten gelijc sijnen reengenoete(n) op vier getidege voe(re)n Ite(m)/ sal de voirs(creven) wynne de voirs(creven) lande ten eynde vande(n) voirs(creven) t(er)mijn/ laten in d(er) manie(re)n h(ier) naevolgende Te weten vijf en(de) een half boend(er)/ bezaeyt met wyntercoerne en(de) dlant wel bereyt gelijc sijne(n) reengenoete(n)/ op vier getidege voe(re)n seve(n) dach(mael) storten op drie voe(re)n wael bereyt/ en(de) bezaeyt gelijc sijnen reengenoeten en(de) de brake op een voe(r) te/ weten drie boende(r) in twee stucken It(em) sal de voirs(creven) wynne/ houden verren en(de) beeren tot behoef des dorps van nuweroede/ also dat de v tvoirs(creven) cloest(er) d(aer)af gheene scade en(de) lijde en(de)/ of den selve(n) cloeste(r) dair af e(n)nige scade quame die soude de voirs(creven)
//
wynne den voirs(creven) goidsh(uys) moeten [op]richten Ite(m) sal de voirs(creven) wynne den/ voirs(creven) cloeste(r) alle jae(re) leve(re)n vi[c] walme(re) om de huysinge vande(n)/ voirs(creven) hove mede te houde(n) en(de) alsmen d(aer) e(n)nich (v) wert aen de/ voirs(creven) huyse maect plect oft dect van oude(n) oft va(n) nuwe(n) werke soe/ es vorweerde dat de voirs(creven) wynne alle stoffe op tvoirs(creven) werc leve(re)n sal/ en(de) den werclieden den montcost gheve(n) en(de) de voirs(creven) proefst de dachue(re)n/ betalen Item sal de voirs(creven) wynne tvoirs(creven) hof bog(ar)de lant en(de) beemde/ wael en(de) loflic begrechten vermaken en(de) bevreden Ite(m) sal de voirs(creven)/ wynne bynne(n) den voirs(creven) t(er)mine halen op sijnen cost x voed(er) merghels/ en(de) die op tvoirs(creven) lant vue(re)n Ite(m) w(ar)t alsoe dat den voirs(creven) wynne enige/ scade gesciede van tempeesten oft gemeynen oirloghe tot ons(er) liev(er)/ vrouwen daige liechtmesse toe Dair af sal de voirs(creven) proefst/ den voirs(creven) wynne rastoir doen gelijc ande(r) h(e)r(e)n en(de) prelaten hue(re)n/pachte(re)n pachtene(re)n doin sullen boven en(de) beneden mair of de voirs(creven)/ wynne ennich coe(re)n in sijn schue(r) hadde nae ons(er) vrouwen dach/ liechtmesse dair af en sal de voirs(creven) proefst den voirs(creven) wynne/ gheen rastoer doen Item want den voirs(creven) wynne int voirs(creven) hoff/ gelevert sijn viii coeye gescat op xxxiii gul(den) holl(ansch) twee peerde/ gescadt op xiiii gul(den) holl(ansch) waghen en(de) ploeghe met hue(re)n toebeh(oirten)/ gescadt op x gul(den) holl(ansch) Soe es vorweerde datmen de voirs(creven)/ p(ar)ticlen van have(n) ten lesten jae(r) vande(n) voirs(creven) t(er)mine oec scatten sall/ en(de) vyntmen dan dat sij argh(er) sijn dan boven gescreve(n) steet dat sal/ de voirs(creven) wynne den voirs(creven) proefste moeten richten en(de) worden sij beter/ vonden dat sal de voirs(creven) profst den voirs(creven) wynne moeten richten En(de)/ alle dese vorwerde(n) geloften en(de) (con)d(icien) voirs(creven) hebbe(n) geluft de voirs(creven) proefst/ inde(n) name vande(n) voirs(creven) goidsh(uys) in deen sijde en(de) de voirs(creven) wynne in dande(re)/ malcande(re)n vast en(de) gestedich te houde(n) en(de) te voldoen tallen tijde(n) en(de) t(er)mijne(n)/ als sij vallen sellen en(de) telk(er) (et)c(etera) H(ier) af sijn borge(n) aert van monchove(n)/ wonen(de) te haeght jan van monchove(n) sijn neve henr(ic) naghels en(de) aert/ molemans wonen(de) te rode et p(rim)[(us)] kersmake(re) borch(oven) m(ar)tii iiii