Cond sij allen liede(n) dat [jan m(er)zuete(n) sone] willems [wilen] merzuete(n) van opvelpe/ es come(n) (et)c(etera) en(de) heeft genome(n) en(de) bekent dat hij genome(n) heeft/ van janne de melte(re) van meldert thof wouters witteman met/ alre sijnre toebeh(oirten) geheten teychem gelege(n) inde prochie van/ cortbeke overloe met ene(n) bogarde enen beemt met ene(n) eeusele/ geheten de(n) droegheneeusel en(de) met xxi boend(er) bor lants luttel/ min oft meer tot den voirscr(even) hove toebehoe(re)nde in drie aerde(n) gelege(n)/ geliker wijs de voirs(creven) jan de melte(re) de voirs(creven) goede jege(n) den selven/ woute(re)n wittema(n) te wynne(n) genome(n) heeft Te houde(n) te hebbe(n)/ en(de) te wynne(n) van halfmerte naistcomen(de) ene(n) t(er)mijn van sess/ jae(re)n lang deen nae dand(er) sond(er) middel volgen(de) elx jae(r)s dae(re)n/ by(n)ne(n) dats te wete(n) de voirs(creven) beemde voe(r) xxi scilde d(er) mu(n)te(n)/ van lov(en) h(e)rtoeghs philips van bourg(oignen) en(de) va(n) brab(ant) en(de) de voirs(creven) lande elx/ jae(r)s dae(re)n bynne(n) voe(r) xxxii mudde(n) rogs drie mudde tarwen en(de) een/ halst(er) arwete(n) elx goet en(de) payabel d(er) mate(n) van loven wel bereyt met/ wa(n)ne en(de) vede(re)n te betale(n) te wete(n) de voirs(creven) xxi scilde te s(in)te m(er)tens/ messe en(de) tvoirs(creven) greyn te s(in)te andries misse appostels en(de) te loven/ te leve(re)n Uutgesceide(n) iiii mudde(n) d(aer) af die de voirs(creven) wyn te thiene(n)/ leve(re)n sal alle jae(re) den voirs(creven) t(er)mijn due(re)nde quolib(et) It(em) es vorw(er)de/ dat de voirs(creven) jan m(er)zueten de voirs(creven) lande den t(er)mijn due(re)nde wel/ en(de) loflic met sijne(n) getidege(n) voe(re)n wynne(n) en(de) werve(n) sal gelijc sijne(n)
//
reengenoete(n) bove(n) en(de) benede(n) Dats te wete(n) den roggen aert op vier/ voe(re)n en(de) de tarwen op vier voe(re)n de gerste op drie voe(re)n en(de) de evene/ op twee voe(re)n It(em) is vorwerde dat de voirs(creven) wy(n)ne met sijne(n) beeste(n)/ allet stroe jairlijx vande(n) voirs(creven) goede(n) comen(de) etten en(de) vette(re)n sal bynne(n) den/ voirs(creven) hove en(de) d(aer)af mest maken dwelc gemaect sijnde en(de) dat vue(re)n/ op de voirscr(even) lande en(de) die wel en(de) loflic mesten slants meesten p(ro)fijte It(em)/ is vorweerde de voirs(creven) wy(n)ne ten eynde en(de) ten uutgaen vande(n) voirs(creven) t(er)mijne/ de voirs(creven) lande laten sal gelijc hij die vant te sijne(n) aencome(n) Te wete(n)/ den rogge en(de) de tarwe wel en(de) loflic besayt op vier getidege voe(re)n de storte/ en(de) de brake op vier getidege voe(re)n wel en(de) loflic eens omgedaen It(em)/ es vorwerde war dat sake datme(n) bevonde ten uutgaen vande(n) voirs(creven) t(er)mine/ by(n)ne(n) de(n) voirs(creven) hove e(n)nich mest dat dan de voirs(creven) wy(n)ne tvoirs(creven) mest op de/ voirs(creven) lande vue(re)n sal en(de) dat ov(er)meste(n) slants meesten p(ro)fijte It(em) sal de voirs(creven)/ wyn de voirs(creven) lande beemde en(de) bogart ten uutgaen van sijne(n) t(er)mine wel en(de)/ loflic bevreedt late(n) en(de) desgelijx die jaerlijx bevrede(n) en(de) beheyme(n) op sijne(n)/ cost Item sal de voirs(creven) wyn jarlijx den voirs(creven) t(er)mijn due(re)nde de(n) voirs(creven) ja(n)ne/ een mol(evat) lijnsaets zaeyen d(aer) af dat de voirs(creven) jan tsaet leve(re)n sal It(em)/ es vorwerde dat de voirs(creven) jan [wyn en(de) jan de melte(re)] jarlijx de(n) t(er)mijn due(re)nde copen sullen elc/ van hen x mandelen roggens stroe welc de voirs(creven) wyn halen sal op sijne(n)/ cost dair men tvoirscr(even) stroe coepen sal en(de) vande(n) voirs(creven) stroe sal de selve/ wyn mest maken en(de) dat vue(re)n op de voirs(creven) lande ten meesten p(ro)fijte It(em) is/ vorweerde dat de voirs(creven) wyn jairlijx den voirs(creven) t(er)mijn due(re)nde leve(re)n sal by(n)ne(n)/ den voirs(creven) hove xxxii mandelen walme(re) om d(aer) mede de huysinghe(n) vande(n)/ voirs(creven) hove te verdecke(n) en(de) so wa(n)ner datme(n) in tvoirs(creven) hof dect plect oft/ ty(m)mert van ouden werke(n) dair af sal de voirs(creven) jan den wercliede(n) hue(r)/ dachue(re)n betalen en(de) de voirs(creven) wyn sal den wercliede(n) den montcost/ gheve(n) uutgesceiden van nuwen werke d(aer) inne en sal de voirs(creven) wyn/ niet gehouden sijn It(em) is vorweerde dat de voirs(creven) jan en(de) de wyn/ deilen selen half en(de) half allet doeft dat jairlijx de(n) voirs(creven) t(er)mijn due(re)nde/ op de voirscr(even) goede wassen sal d(aer) af dat de voirs(creven) wyn jairlijx des vors(creven)/ jans lese(r) den montcost gheve(n) sal en(de) de voirs(creven) jan sal sijn dachue(re)/ betalen en(de) soe wa(n)ner dat tvoirscr(even) oeft t(er) eerden is soe sal de voirs(creven)/ wyn des voirs(creven) jans hecht [helcht] te loven leve(re)n costeloes ten huyse wouters/ wittema(n) It(em) is vorweerde dat de voirs(creven) wyn de willighen in
//
voirs(creven) hof staende truncken mach als sij drie jae(re)n out sijn t(er) mynst(er) scade(n) uutge/ nomen de willige(n) die staen acht(er) de porte vande(n) hove geheten vande(n) steene/ d(aer) bij gelege(n) de(n) voirscr(even) woute(re)n toebeh(oirende) It(em) mach de voirs(creven) wyn de trunck eyken/ vande(n) voirsc(reven) goede(n) truncke(n) als zij vi jae(re)n outs out sijn en(de) niet eer It(em) is/

vorweerde en(de) negheen opgaende hout en mach de voirs(creven) wyn truncke(n) It(em) is/ vorweerde dat de voirs(creven) wyn jairlijx den voirs(creven) t(er)mijn due(re)nde planten sal xx willige(n)/ poete(n) op de voirscr(even) goede en(de) die alsoe vermak(en) dat de beesten die niet en verderve(n)/ It(em) sal de voirs(creven) wyn de(n) voirs(creven) t(er)mijn due(re)nde jairlijx i[m] stake(n) in wouters wijn/ gart gelege(n) te loven met sijne(n) wage(n) en(de) p(er)de(n) op sijne(n) cost leve(re)n en(de) die halen/ dairse de voirs(creven) jan woute(r) copen sal It(em) sal de voirs(creven) wyn jairlijx de(n) voirs(creven)/ woute(re)n wittema(n) halen xiii wissen houts en(de) (½) duysent rijs/ dairse de voirs(creven) woute(r) wittema(n) coepen sal en(de) die te loven ten huyse des/ voris(creven) wouters op sijnen cost leve(re)n gelijker de voirs(creven) jan de(n) voirscr(even) woute(re)n dat/ geloeft heeft Item is vorweerde dat de voirs(creven) wyn de(n) voirs(creven) t(er)mijn due(re)nde/ de huysinge vande(n) voirs(creven) hove houden sal op sijne(n) cost vand(er) ond(er)ste rijkele(n) ned(er)w(er)t/ It(em) is noch vorweerde dat de voirs(creven) wyn de(n) t(er)mijn due(re)nde houde(n) sal sond(er) des/ voirs(creven) jans cost lxxv scape(n) bynne(n) den voirs(creven) hove sond(er) sijns sceeps scape(n)/ It(em) is noch vorw(er)de dat de voirs(creven) wyn jairlijx den voirs(creven) t(er)mij due(re)nde den/ voirs(creven) woute(re)n besayen en(de) wynne(n) sal (½) boend(er) lants d(aer) af de voirs(creven) wouter/ tsaet leve(re)n sal sond(er) de(n) voirs(creven) wynne e(n)nich recht d(aer) inne te hebbe(n) gelijc/ de selve jan den voirg(enoemde) woute(re)n geloeft heeft It(em) is noch vorweerde/ dat de voirs(creven) wyn jarlijx de(n) voirs(creven) woute(re)n te loven tot sijne(n) huyse met/ sijne(n) wage(n) en(de) p(er)de(n) vue(re)n sal drie voede(re)n hoeys en(de) die halen darse/ hem de vors(creven) woute(r) bewisen sal gelijckerwijs de selve jan oic der voirs(creven)/ woute(re)n geloeft heeft It(em) noch vorweerde dat de voirs(creven) wyn voir/ elke verdroeghde willege sette(n) sal twee poete(n) en(de) desgelijx die/ v(er)make(n) vor de beeste(n) En(de) alle dese vorw(er)de(n) (con)d(icien) en(de) gelofte(n) hebben/ geloft de voirs(creven) wyn in deen sijde en(de) de voirs(creven) jan in dande(re) (et)c(etra)/ H(ier) af sijn borghe(n) des vors(creven) wynne(n) jan de scherpe(re) van ned(er)velpe/ en(de) willem vand(er) heide(n) van ned(er)velpe et p(ri)m(us) ov(er)wynge smet/ feb(ruarii) xxv