SAL7331, Akte: R°116.1 (100 van 350)
Akte R°116.1
Act
Transcriptie
2018-11-07 door kristiaan magnusIt(em) want stoet twist en(de) tebat opv(er)staen is tusschen w arde van/
holsbeke willems sone pete(re)n ende henricke vande(n) dale van bierbek gebruede(re)n/
jans fite cled(er)make(r) ja(n)ne baelge inde(n) name van gorde sine(n) sone [en(de)] claese/
schat nat(ur)lic sone h(ere)n henrix schat prieste(r)s in deen side en(de) vrancke(n) en(de)/
henricke van pamele gebruede(re)n woyte(n) roelants gehete(n) daneels he(n)ne(n)/
alcoyts he(n)nen letteke(n) van meld(er)t coppen pelarts [en(de) henr(icke) de smet] in dande(r) alse van/
bet(er)nissen van quetsue(re)n van mesdaden die sij deen den ande(re)n/
eyschen(de) sijn Soe sijn de voirs(creven) p(ar)tien come(n) voe(r) scepen(en) van/
loven(en) en(de) hebbe(n) hen vande(n) voirs(creven) stote en(de) twiste en(de) van/
allen ande(re)n ae(n)sprake(n) die sij deen tot den ande(re)n meyne(n) moge(n)/
te hebben also verre den oerspronc dair af toequam en(de)/
gesciede int hof te redingen gekeert in segge(re)n ende/
vrientlic yffene(re)n Te weten de voirs(creven) arnt van holsbeke/
pet(er) en(de) henr(ic) vande(n) dale jan fite jan baelge en(de)/
claus schat in woute(re)n van laethem en(de) henricke/
van bierbeke en(de) de voirs(creven) vranc en(de) henr(ic) van pamele/
woyte roelants he(n)nen aloyts he(n)nen letteken coppen/
pelarts en(de) henr(ic) de smet in jacop uute(n) lyemi(n)gen/
en(de) claes de k(er)smak(ere) in alsulker vuegen dat de voirs(creven)/
iiii segge(re)n dbescheit van beyden p(ar)tien en(de) oec thoenisse/
en(de) onschoude(n) ofs sijs behoefde(n) aenhoe(re)n selen en(de) hue(r)/
uutsprake d(aer) af doen en(de) seggen t(er)mine(re)n tusschen dit/
en(de) s(in)te andries dach naestcomen(de) op dat sijs eens/
sijn en(de) en conste(n) sijs niet van accoerde gewesen/
soe souden de voirs(creven) iiii segge(re)n eendrechtichlic eene(n)/
ov(er)man kiesen de welke alle bescheit ov(er) gehadt/
sijn uutsprake d(aer) af doen sal by(n)nen xiiii nachte(n)/
dair naest volgen(de) Geloven(de) de voirs(creven) p(ar)tien vast/
en(de) gestedich te houde(n) alle tghene des de voirs(creven)/
iiii segge(re)n of ov(er)man d(aer) af t(er)mine(re)n sullen cor(am)/
borch(oven) ov(er)wynge oct(obris) xx
Nagekeken door: Karel Embrechts
Moderator: Karel Embrechts
Laatste update:: 2012-08-27 door Sabrina Keyaerts