Ite(m) vande(n) stote die opv(er)staen is tusschen arnde van kessel in deen/ zijde en(de) henricke van gorshem in dande(r) alse van eenen/ watervalle gelegen tusscen de huyse der voirs(creven) p(ar)tien/ gelege(n) opte voe(r) aen den bollenborne Soe zijn beyde/ de voirs(creven) p(ar)tien come(n) voe(r) scep(enen) van lov(en) en(de) hebbe(n) hen/ vande(n) voirs(creven) stote gekeert in segg meest(er) plissis van/ vorst meest(er) janne vander bruggen meest(er) lod(ewijcke) van/ hortbeke en(de) willem(me) de beer d(er) stat geswore(n) meest(er)/ en(de) wercliede Geloven(de) vast en(de) gestedich te houde(n)/ soe wes de voirs(creven) iiii meest(er)s of de iii van hen d(aer)/ af seggen selen cor(am) roelofs boch(oven) jul(ii) xii