Ite(m) joerdaen joerdens van meldert es comen in jeg(ewordicheit) en(de) heeft genomen/ en(de) bekent dat hij genomen heeft van janne keyenoghe wonen(de) te loven(en)/ inde proestrate sesse boender lants luttel mijn oft meer geleghen inde p(ro)chie/ van meldert in alrehande stucken aldair gelijc willem boydens die/ goeden te houden plach Te houden te hebben en(de) te wynnen van half merte [aprille]/ lestleden eenen t(er)mijn van sesse jaren lang deen nae dand(er) sond(er) middel/ volgen(de) elx jaers daerenbynnen om twelf sacke corens melderschen pacht/ goet en(de) payabel met wanne en(de) met vede(re)n wel bereyt d(er) maten van / thienen te s(en)[te] andries misse apostels de betalen en(de) te loven(en) te leve(re)n alle/ jae(re) den voirs(creven) t(er)mijn duerende quolib(et) ass(ecutu)[m] en(de) de voirs(creven) wynne sal de/ voirs(creven) lande wel en(de) loflijc wynnen en(de) werven gelijc sijnen reengenoten/ en(de) de [bynnen den] selve(n) t(er)mine de voirs(creven) lande eens wel en(de) loflijc ov(er)meesten oic sal/ de voirs(creven) wynne de voirs(creven) lande laten ten uutgaen vanden voirs(creven) t(er)mijne/ gelijc hier nae volght Dats te weten viii seven dach(mael) dair af/ met wynt(er) corne besaeyt op twe [iiii] getidege voren seven dach(mael) dair/ af met zomer corne besaeyt op twe getidege voren en(de) dand(er) lant/ brake op twe voren omgedaen en(de) de voirs(creven) wynne sal jaerlijx betalen/ allen den tsijs en(de) co(m)mer uut den voirs(creven) goeden gaende sond(er) afslach/ vanden voirs(creven) corne alsoe en tijts dat den selven janne keyenoghe/ dair af gheen scade en come l oic sal de voirs(creven) wynne der voirs(creven)/ janne een verken herden en(de) hueden en(de) vueden gelijc den sijnen van/ half merte tot uns(er) vrouwen dach dach nativitas H(ier) af sijn borgen/ woute(r) van aelst reyne(r) van arschot henric vanden putte henr(ic)/romne [coninc] woute(r) oliviers de jonghe alle van melders Et p(rim)[(us)] cor(am) eisd(em)