It(em) jan van duffele jan van udekem jan van molenbeke en(de) jan mailhotteal/ als seggers gecoren en(de) genomen voe(r) scepen(en) van loven(en) vanden stoete en(de) twijste/ wesende tusschen yngelbrechte van lymelettez in deen zijde en(de) janne sijnen/ brueder in dande(re) alse van seke(re)n erfgoeden en(de) haefliken stucken en(de) eysschingen/ die sij deen den ande(re)n eysschen(de) sijn Sijn comen voe(r) scepen(en) van loven(en)/ h(ier) nae genoempt en(de) hebben huer uutsprake en(de) t(er)minatie vanden voirs(creven) stoete/ eendrechtichlijc geseeght en(de) gep(ro)nu(n)cieert inder vuegen en(de) mainie(re)n hier nae/ volgende Inden iersten is huer seggen dat de voirs(creven) engelbrecht de goege/ goede van lymelettez met allen hue(re)n toebehoirten allene behouden ende/ peyslijc besetten [sal] alsoe lange alse de jouffr(ouwe) medegesellynne gielis van/ bouler die jaerlijx alsoe lange als sij leeft opde voirs(creven) goede heeft c oude/ cronen voe(r) huere duwarie lenen sal ende de renten en(de) den co(m)mer vanden/ selven goeden betalen sonder den voirs(creven) janne e(n)nich recht oft aensprake/ aende selve goede te hebben en(de) dat nae de doet vander selver jouffr(ouwe)/ elc vanden selven gebruede(re)n staen sal vanden voirs(creven) goeden op sijn lantrecht/ Behoudelijc dien oft de voirs(creven) jan alsulken vi francken erfrente(n) als hij/ opde selve goede eyscht te hebben midts eene(n) testamente met rechte gewynne(n)/ conste dat leten laten de voirs(creven) segge(re)n staen op sijn beloep inder maten/ alse trecht daer af wijzen sal Item alse vanden testamente dat/ engelbrecht van lymellettez g seeght te hebben in sijne(n) eyssche daer/ met hij meynt dat de goede van manis voir de rente vanden/ voirs(creven) c cronen gheen pant wezen [en] soude(n) dat setten de voirs(creven)/ segge(re)n op sijn beloep van rechte sonder dat enichsijns te/ myncken Item is noch huer seggen dat de voirs(creven) engelbrecht en(de)/ jan van allen schouden gevallen rente(n) verlette haeflike stucken eyschingen/ en(de) allen aenspraken die sij deen tot den ande(re)n gedaen hebben van/ malcande(re)n geheelijc en(de) al gescheyden selen wesen alsoe verre die tot/ opden dach van heden gevallen en(de) opv(er)staen moegen wezen [sijn] hoedanich/ sij sijn Uutgescheyden van erfrenten oft goeden inder voirs(creven) p(ar)tien eyssche
//
begrepen daer voe(r) niet afgeseet en is dat laten de voirs(creven) iiii/ segge(re)n staen op dlantrecht It(em) is noch huer seggen dat de/ voirs(creven) jan den voirs(creven) engelbrechte gheven en(de) betalen sal xxxvi/ gul(den) riders te weten xviii rijders daer af te kersmisse naestcomen(de)/ en(de) xviii riders daer af te kersmisse daer naestvolgen(de) als/ v(er)volghde schout en(de) dat de selve jan van lymelettez sal doen/ comen voe(r) scepen(en) van loven(en) janne coulon en(de) heynen tainginsart/ en(de) hen doen geloven dat sij dbeleit daer mede sij tot sijnen/ goeden geleyt sijn onder houden selen tot d(er)re tijt dat de voirs(creven)/ schout betaelt sal wezen en(de) engelbrechte daer mede behulp/ doen oft de voirs(creven) jan daer af in gebreke wae(r) te betalen/ alsoe dat sij dat van sijne(n) goeden crigen souden Welc seggen/ de voirs(creven) p(ar)tien geloeft hebben te voldoen en(de) de voirs(creven) jan/ coulon en(de) henr(ic) tainginsart hebben oic geloeft en(de) toegeseegt/ tvoirs(creven) behulp metten voirs(creven) beleyde te doen cor(am) ca(pelle)[man] smet/ ja(nuarii) iiii[ta]