Van janne gheerue janne van rode m(er)tens sone/ was en(de) aelbrechte de punde(re)/ Tvonnisse tusschen janne gheerue van bossuyt in deen zijde ende janne/ van rode m(er)tens sone was en(de) aelbrechte de punde(re) die met scepen(en)/ brieve(n) van loven(en) gegoedt sijn inden goeden willems wilen van aken/ indande(re) alse van (½) boende(r) en(de) (½) dachmale en(de) xxx roeden lants/ gelege(n) te bossuyt op tvelt te grave(n)w(er)t tusschen de goede jans/ wilen van bossuyt en(de) gielijs delle was gewijst met desen/ woirden dat den voirs(creven) janne gherue tvoirs(creven) lants volgen sal/ alsoe verre als noch voir scepen(en) comen was mer hebben de/ voirs(creven) jan en(de) aelbrecht oft yemandt anders enegen erfpacht opde/ voirs(creven) goede te volge(n) dat selen sij doen t(er) plaetsen daer dat/ behoirt cor(am) kers(makere) rol(ofs) smacht borch(oven) ca(pelle)[man] ov(er)wynge smet/ fe(bruarii) ix