Van roelove boxhoren/ It(em) want roelof boxhoren gevonnist heeft voir meye(r) en(de) scepen(en) van/ loven(en) seke(r) scepen(en) brieve van loven(en) van xii vrancr(ijx) cronen erfrenten alsoe/ op datu(m) sijns brueders briefs gemeynlijc in borsen ghingen aen en(de)/ op de goede henrix van redingen gelege(n) inde p(ro)chie van leefdale in/ huysen hove(n) wynne(n)den landen beemden eeuselen bosch wijng(ar)den tsijse/ rinte(n) erfpacht met allen hue(re)n toebehoirte(n) Ende tvonnisse wijsde/ dat de voirs(creven) roelof trecken soude tot sijne(n) pande vonde hij te panden dat/ hij panden soude en(de) en vonde hij niet te panden dat hij voirtvaren/ soude metten rechte soe is de voirs(creven) roelof met meye(r) en(de) scepen(en) van/ loven(en) getogen op sijn pande daer hij niet te panden en vant Alsoe/ dat de meye(r) van loven(en) in jeg(ewoirdicheit) der scepen(en) van loven(en) den voirs(creven) roelove/ lev(er)de en(de) in handen sedte sijn pande in sijne(n) brieve(n) begrepe(n) voir gebrec/ van sijne(n) rente(n) en(de) coste van rechte daer opgegaen cor(am) ca(pelle)[man] smet maii v[ta]