Item meest(er) jan liebrechts chirorgijn sone gheerts wilen [gheert] liebrechts/ es come(n) in jegewordich(eit) d(er) scepen(en) van loven(en) en(de) heeft verhuert/ en(de) uutgegheve(n) gielijse noyens van aerschot vetter een huys/ mette(n) tween bogarden dair aen gelege(n) met [en(de)] sijnre toebeh(oirten) gelege(n)/ tarschot acht(er) de molen geheten de geberden molen tusscen de/ lake in beyde(n) sijde(n) geliker wijs vranc wilen vranx he(re)nmeys/ de voirscr(even) goede(n) ald(aer) te houde(n) plach Te houde(n) en(de) te hebben van/ sinte jans messe baptiste(n) naestcomen(de) ene(n) t(er)mijn van xii/ jae(re)n lang deen nae dand(er) sond(er) middel volgende elx jaers/ dae(re)nby(n)nen om vijf hollansche gul(den) oft de weerde dair af in ande(re)n/ goede(n) gelde te sente jans messe bap(tis)[te(n)] te betale(n) jairlijx de(n)/ voirs(creven) t(er)mijn due(re)nde quolib(et) dierste betalinge d(aer) af inne/ te gaen van sente jans messe naestcomen(de) over een jair d(aer) nae/ volgende en(de) niet eer Item is vorweerde dat de voirs(creven) meest(er) jan/ en(de) giel(ijs) deilen selen half en(de) half doeft jairlijx wassende inde(n)/ bogarde gelege(n) jegen over tvoirs(creven) huys en(de) de voirs(creven) meest(er)/ jan en(de) giel(ijs) selent op hue(re)r beyd(er) cost doen lesen Voirts meer/ es vorweerde wes cost dat de voirs(creven) giel(ijs) aen tvoirscr(even) huys/ leeght oft d(aer) aen doet maken dat hem dat afslach doen sal/ van sijnre hue(re)n uutgesceide(n) van tgheen dat hij d(aer) inne maect/ oft doet maken dienende tot sijne(n) ambachte d(aer) inne en sal/ de voirs(creven) meest(er) jan niet gehoude(n) sijn en(de) wae(r) oec dat sake dat/ de voirs(creven) giel(ijs) in tvoirscr(even) huys yet brake om sgeriefs dienende/ tot sijne(n) ambachte dat sal de voirs(creven) gielijs ten eynde van sijne(n)/ voirs(creven) t(er)mijne wel en(de) loflic doen h(er)maken op sijnen cost It(em) wae(r)/ dat zake dat de voirs(creven) giel(ijs) voe(r) sijne(n) voe(r) sijne(n) voirs(creven) t(er)mijn uut/ de voirs(creven) voirs(creven) huyse scheide(n) woude soe is vorw(er)de dat hij/ dat doen mach bij alsoe dat hijt den voirs(creven) meest(er) ja(n)ne segge/ een half jair te voe(r) cap(elle)[man] smet m(ar)tii q(ua)rta