It(em) want arnt vander borch en(de) arnt van meerbeke die na den/ rechte der stat van loven comen en(de) geleyt sijn tot allen den/ goeden have en(de) erve jans vander heyden opte(n) dach va(n)/ heden hadde(n) doen incomen lijsbette(n) sleens van he(re)nt/ metter stat brieven die hen aen de have h(ier) na/ genoempt ongebruyc dede Te weten aen een greyn/ falie een scrijne eene(n) sw(er)ten rock met eenre bonter/ vede(re)n eenen coers gevoedert eene(n) sangwijnen rock iiii/ paer slapelaken(en) eene(n) roeden capruyn een saerge/ x peters voir cost hantdwelen a(m)melaken(en) en(de) iiii/ oercussen(en) en(de) op hede(n) dach hadde daer de voirs(creven)/ lijsbet niet en qua(m) Also dat de scepen(en) van lov(en)/ gemaent vande(n) meye(r) gewijst hebbe(n) voir een/ vonnisse datmen den voirs(creven) arnde en(de) arnde vand(er)/ voirs(creven) haven houden soude in hue(re)n beleyde also v(er)re/ alst noch voe(r) de scepen(en) comen was cora(m) [roelofs] smacht borch(oven)/ ca(pelle)[ma(n)] smet jul(ii) xxviii