It(em) beatrijs wedewe henrix wilen van nuysberghe gord en(de) jan/ van nuysberghe natuerlic kinde(re) oliviers wilen van nuysberge/ alle van dutshole sijn come(n) in jeg(ewoirdicheit) d(er) scepen(en) van loven(en)/ en(de) hebben gekent en(de) gelijdt dat sij wetlic vercocht hebben/ willem(me) van ophem becke(r) den wuwer of poel gehete(n) den/ weddenpoel met den erve op beyde(n) [de] zijden of cante(n) vanden/ voirs(creven) poele behoe(re)nde en(de) [met den goten af en(de) uute en(de) inne te la en(de) afgaen vande(n) wate(r) vande(n) selve(n) poele gelijc dat tot heer toe geweest] alle den rechte dat sij daer aen/ hebbe(n) moghe(n) gelege(n) te te duenberghe voe(r) tpanhuys des voirs(creven)/ willems inder mate(n) dat de rentmeest(er) van loven(en) dien/ voirtide(n) henricke en(de) olivier van nuysberge oc en(de) hue(re)n/ erfgename(n) op eene(n) d(enier) erftsijs uutgaf [uutgenome(n) domsetten] voe(r) een sek(er) so(m)me/ van gelde daer af dat de voirs(creven) beatrijs gord en(de) jan/ bekent hebbe(n) dat hen volcomelic genoech gesciet ende/ voldaen is Geloven(de) de selve beatrijs gord en(de) jan den/ voirs(creven) willem(me) voe(r) hem en(de) sine(n) nacomel(ingen) ongesund(er)t en(de)/ onv(er)scheide(n) gued(inge) en(de) vestich(eit) doen voe(r) te sijnre manisse(n)/ voe(r) meye(r) en(de) scepen(en) van loven(en) [op hue(re)n cost] uut den beleyde d(aer) met/ dat de voirs(creven) gebruede(re) tot den goede(n) henrix wilen van/ nuysberghe geleyt sijn en(de) altoes genoech te doen soe/ waer hem yet [te] nauwe gesciet wae(r) also dat den/ voirs(creven) willem(me) en(de) sine(n) nacomel(ingen) vast en(de) seker sijn/ moghe cor(am) roel(ofs) smet martii xxv