Van janne van udekem voirsprek(er)/ Tvonnesse tussce(n) janne van udekem voirspreke(r) in deen sijde gielijse en(de) janne va(n) udekem van cortbeke/ overloe gebruede(re)n in dande(re) alse van twee mudde lijftochten d(aer) h(er) jan wittema(n) p(er)soen van cortelke sijn/ heffen in heeft dair af den brief in den rechte gelesen was Dair de voirs(creven) jan van udeke(m) voirspreke/ borge af es voir ja(n)ne wile(n) van udeke(m) vad(er) d(er) voirs(creven) gebruede(re)n en(de) dair af de voirs(creven) jan van udekem/ voirspreke(r) seyde dat de voirs(creven) gebruede(re) geloeft en(de) toegeseeght hadde(n) hem te lossen en(de) tontheffen/ dwelc hij boet te toenen mette(n) ghene(n) dier bij geweest hadden ende dat thoende hij alsoe hij/ hem vermeten hadde Alsoe dat de he(re)n scepen(en) gemaent vande(n) meye(r) wijsden voe(r) een vonnesse dat/ de vors(creven) gebr(uedere) den voirs(creven) ja(n)ne ontheffen souden gelijc de wairh(eit) gedragen hadde (pre)sentib(us) nych(olao) kersmak(ere)/ god(evardo) roel(ofs) steph(ano) smacht henr(ico) de borch(oven) walt(ero) ca(pelle)[ma(n)] joh(ann)e de ov(er)wynge iunio(r)e (et) walt(ero) smet aprilis xxvii