It(em) om des wille dat onlanx leden comen is inden voe(r) den rade/ vander stat joffr(ouwe) odilie wedewe goessens wilen van zelke/ opdoende hoe dat sij in ghebreke wae(r) van s vijftich gripen/ als voe(r) hue(r) duwarie due hue(r) sculdich wae(r) te volgen v/ aen de goede des voirs(creven) wilen goesssens hue(re)n leefdach [lanc te weten elx jaers thien gripen] daer/ af dat sij in vijf jaren voirlede(n) niet gehave(n) en hadde/ gelijc de momboe(re)n die de rente(n) arekens van zelke ond(er)/

sij soen des voirs(creven) wilen goessens en(de) joffr(ouwe) odilen noch/ ond(er) sijn dage wesende opgehave(n) hadden hue(r) gestonden/ Bege(re)nde want inde(n) wissel van loven seker so(m)men/ van gelde stonden vande(n) voirs(creven) goede(n) gecome(n) dat sij/ daer aen hue(r) gebreck van l gripen trecke(n) mochte
//
daer op dat den raet vander stat verdroegh dat der voirs(creven)/ odilien de voirs(creven) vijftich g(ri)pen vande(n) gelde inden wissel/ staende volgen soude Bij also dat sij goede seke(r) borchtocht/ setten soude oftmen h(ier) namaels bevonde dat hue(r) hue(r)/ duwarie voirs(creven) niet sculdich en wae(re) te volgen aende/ voirs(creven) goede en(de) sij die tonrechte gehave(n) hadde de/ voirs(creven) so(m)me wed(er) om inde(n) wissel tot behoef den/ voris(creven) arekens te brengen tot sijnre en(de) te setten/ dwelc de voirs(creven) joffr(ouwe) odilie gedaen heeft daer/ af dat borge is henric merx voirspreke en(de) jan/

gruwel wonen(de) inde hoelstrate [bakeleynstrate] et p(ri)ma/ en(de) de voirs(creven) henric en sal hem met gheenre vrijheit noch scep(enen)/ br(ieve) jegen des voirs(creven) is mogen behulpen et p(ri)ma ca(pelle)[ma(n)] smet sept(embris) xx