It(em) vande(n) stoete die opv(er)staen was tusschen janne symon gieliart/ de g(ra)nt sart en(de) jehan stulman en(de) janne hackart in/ deen zijde en(de) jannese van meerbeke in dande(re)/ alse van dat de voirs(creven) seke(re)n costen gelde en(de) anders/ dat de voirs(creven) iiii p(er)sone den voirs(creven) ja(n)nese eyschen(de)/ sijn van dien als momboir sijns wijfs van dien/ dat sij de rente(n) sijns voirs(creven) wijfs oph opgehave(n)/ gebuert en(de) ontfange(n) [en(de) inne gehaelt] mogen hebbe(n) Soe sijn/ beyde voirs(creven) p(ar)tien come(n) voe(r) scep(enen) van loven(en)/ en(de) hebben hen vande(n) voirs(creven) gebreken en(de) allen/ ande(re)n aenspraken oft stucken die sij deen met/ den ande(re)n uutstaen(de) moghen hebbe(n) gekeert in/ vrientlic yffene(re)n [uutgenome(n) en(de) behoudelic dien dat de voirs(creven)co(m)promisse jan hackart in desen niet verbonde(n) en sal voirder dan vande(n) stoote vanden vi gripen die de voirs(creven) gieliart en(de) jan stulman hem eyscen(de) sijn] te wete(n) de voirs(creven) iiii p(er)sone/ in engelbrecht van lymelet en(de) henr(ic) van/ tanginsart en(de) de voirs(creven) ja(n)nes in lodewijc/ den rike rentmeest(er) van loven(en) en(de) ja(n)ne giel(is)/ in alsulk(er) voegen dat de voirs(creven) iiii segg p(er)sone/ elc hue(r) sine(n) eysch in gescrifte ov(er)geven sal den/ segge(re)n des voirs(creven) jannes by(n)nen xiiii nachte(n) naestcomen(de)/ Dat gedaen sal de selve ja(n)nes sijn v(er)antw(er)den/ d(aer) op maken en(de) ov(er)gheve(n) den segge(re)n sijnre wed(er)p(ar)tien/ by(n)nen xiiii nachte(n) d(aer)naest volgen(de) en(de) alse de/ voirs(creven) iiii segge(re)n eysch en(de) verantw(er)den ov(er) hebbe(n) sele(n)/ soe selen sij de getuychenisse(n) d(aer) af aenhoe(re)n van/ beyde(n) p(ar)tien en(de) hue(r) uutsprake doen by(n)nen eenre/ maent na d(aer) naestvolgen(de) op dat sijs eens sijn/ en(de) en wae(re)n sijs niet eens soe selen sij same(n)tlic/ eene(n) ov(er)man kyesen de welke sijn t(er)minacie d(aer)/ af doen sal by(n)nen xiiii nachte(n) dan d(aer) naest/ volgen(de) en(de) gebrake e(n)nig(er) p(ar)tien segg(er) dat die/ eene(n) ande(re)n soude mogen neme(n) promitt(entes) ratu(m)/ ca(pelle)[man] smet sept(embris) xxv