SAL7331, Akte: V°105.1 (89 van 348)
Zoek akte
Vorige | Volgende
Akte V°105.1  
Act

Transcriptie

2018-11-05 door kristiaan magnus
It(em) want rogier van lynte(r) die ov(er)mids vo(n)nisse van scepen(en)/
brieve(n) van loven(en) ghegoedt ende gheerft is voir meye(r) ende scepen(en)/
van loven(en) in ene(n) beemdt gelegen te bousbeke acht(er) thof ter mole(n)/
met ene(n) weghe daer toe hoe(re)nde naest den goede(n) [willems] wilen van meerhout/
met der stat brieve(n) gesonde(n) aen den meye(r) van comptich hadde doen/
inscrive(n) h(er)ma(n)ne van pamele mids ongebruyk dat hi hem aen den/
voirs(creven) beemt dede van sine(n) coeyen daer in te jagen en(de) den vrede op te breke(n)/
en(de) hem op hede(n) doen dach doen voir meye(r) en(de) scepen(en) van loven(en) op dat/
hi hem tot den selve(n) beemde enichs rechts vermete(n) woude daer/
de voirs(creven) rogier voir trecht qua(m) beghe(re)nde en(de) versuekende Waer/
de voirs(creven) h(er)man niet en quame noch aen en sprake datmen hem in sijnre/
guedingen hielde dair op de meye(r) van loven(en) maende de he(re)n scepen(en)/
die wijsden voir een vo(n)nisse waer de voirs(creven) h(er)man niet en quame/
ten opstain smeyers en(de) der scepen(en) datmen den voirs(creven) rogie(r) in sijnre/
goedingen houden soude alsoe v(er)re alst noch voir hen comen wae(r) p(rese)nt(ibus)/
nych(loao) kersmake(re) godef(rido) roelofs henr(ico) de borch(oven) wa stephano smacht/
(et) walt(er)o ca(pelle)[ma(n)] oct(obris) xiii
Nagekeken doorKarel Embrechts
ModeratorKarel Embrechts
Laatste update:: 2012-08-27 door Sabrina Keyaerts