SAL7331, Akte: V°164.2 (139 van 348)
Zoek akte
Vorige | Volgende
Akte V°164.2  
Act

Transcriptie

2018-11-12 door kristiaan magnus
It(em) uut den gescille dat opv(er)staen was tusschen lodewijcke/
merx in deen zijde en(de) janne vander dyle den jongen/
in dande(re) alse van seke(re)n alrehande(n) woirden die de voirs(creven)/
jan tot den voirs(creven) lodewijcke geseegt soude hebbe(n) Soe/
sijn de voirs(creven) p(ar)tien come(n) voe(r) scepen(en) van loven(en) en(de)/
hebbe(n) hen vande(n) voirs(creven) p(er) stoete en(de) van alle(n) ande(re)n stucke(n)/
en(de) aenspraken die sij deen tot den ande(re)n w(er)t uutstaen(de)/
mogen hebbe(n) tot opte(n) dach van heden verbonde(n) in segge(re)n/
en(de) vrientlic yffene(re)n te wete(n) de voirs(creven) lodewijc in/
henr(icke) merx sine(n) vader en(de) willem(me) vande(n) poele/
en(de) de voirs(creven) jan vand(er) dyle in willem(me) van e(re)nboudege(m)/
en(de) lambr(echte) de putte(re) in alsulker voege(n) dat de/
voirs(creven) iiii segge(re)n dbescheit en(de) thoenisse van beyde(n)/
p(ar)tien aenhoe(re)n selen en(de) hue(r) uutsprake d(aer)af/
doen by(n)nen eenre maent naestcomen(de) op dat sijs/
eens sijn en(de) of des niet en gesciede soe selen/
sij samentlic eene(n) ov(er)man kyesen die d(aer)af dan/
sijn t(er)minacie doen sal by(n)nen viii dagen daer/
naestvolgen(de) En(de) of e(n)nig(er) p(ar)tien segg(er) gebrake/
dat sij in die stat gelike ma(n)ne neme(n) soude(n)/
mogen promitt(entes) ratu(m) smacht borch(oven) no(vembris) xix
Nagekeken doorKarel Embrechts
ModeratorKarel Embrechts
Laatste update:: 2012-08-27 door Sabrina Keyaerts