It(em) h(er)symoen pynnoc ridde(r) in p(rese)nt(ia) heeft gegeve(n) en(de) bekent/ dat hij gegheve(n) heeft gielijse claes sone wilen wouters de/ tiechelrie des voirs(creven) h(er) symoens met hueren toebehoirte(n) inde/ p(ro)chie van kerchem de [te] velphove(n) gelege(n) te houden en(de) te/ hebben alle jae(re) den voirs(creven) t(er)mijn due(re)nde van van halfmerte/ naestcomen(de) eene(n) t(er)mijn van iiii jae(re)n lanc daernaest/ volgen(de) elx jaers dae(re)nbynne(n) om acht g(ri)pen xl pl(acken)/ gelijc nu in borssen gaen voir elc gripe gerekent te/ halfmerte te betalen jaerlijx den voirs(creven) t(er)mijn due(re)nde/ q(u)[o]lib(et) ass(ecutu)[m] It(em) sal de voirs(creven) gielijs jairlijx leve(re)n den voirs(creven)/ t(er)mijn due(re)nde de(n) voirs(creven) h(er) symoene l banneele l horen/ boeme tiechelen en(de) l vorstiechelen en(de) (½) duysent ande(r)/ cusbere tiechelen nae sinxene(n) ter manissen des voirs(creven) h(er)/ symoens en(de) opde voirs(creven) tiegelrie te leve(re)n It(em) sal de voirs(creven)/ gielijs den leem om tyegelen te backen graven ter plaetsen/ daerme(n) hem dat gestaden sal en(de) oic bynnen der nuw(er)/ grecht en(de) bynne(n) den bossche des voirs(creven) h(er) symoens sonder/ ombehoirlike scade te doen It(em) sal de voirs(creven) gielijs bevreden/ / de voirs(creven) nuwe grecht omgaende totden voetpat vanden voirs(creven) bossche/ alsoe dat de voirs(creven) h(er) symoen noch sijn wynne daeraf gheen/ scade en come It(em) oft de voirs(creven) h(er)simoen meer tiegelen dan/ voirg(eruert) is behoefde dat de voirs(creven) gielis hem die leve(re)n sal tot sijnre/ manissen opde voirs(creven) tiegelrie elc duysent voir i g(ri)pe gelijc/ voirs(creven) staen Hier af sijn borgen johannes vanden bossche/ en(de) jan kympe et p(rim)[(us)] cor(am) eisd(em)