It(em) joes arts molde(re) es comen in jegenwordich(eit) der scepen(en)/ van loven(en) ende heeft genomen en(de) bekent dat hij genomen heeft/ van willem(me) van ophem meye(r) en(de) rentmeest(er) joffr(ouwe) lijsbetten weduwe/ lonijs wilen van boechout de molen der selv(er) joffr(ouwe) gehete(n) sgreeve(n)/ molen geleg(en) inde p(ro)chie van rode op de wynghe aldaer Te houde(n)/ en(de) te hebben van s(en)[t] jans misse bap(tis)[ten] lestleden ene(n) t(er)mijn van/ sesse jae(re)n lang deen nae dand(er) sonder middel volgende elx jaers/ dae(re)nby(n)nen om seventhien mudde rogs goet ende payabel der/ maten van loven(en) alsulx als de voirs(creven) molen wyn(n)e(n) sal deen helcht/ te kersmisse en(de) dander helcht te s(en)[t] jans misse bap(tis)[te(n)] te betalen/jaer der voirs(creven) joffr(ouwe) lijsbette(n) en(de) willem(me) van ophe(m) hae(re)n rentmeest(er)/ voirg(enoemt) of den ene(n) van hen b(ri)ngher des briefs jaerlex den voirs(creven)/ t(er)mijn due(re)nde ende telken t(er)mine als vervolghde schout Item/ es vorwerde dat de voirs(creven) joes de huyse vand(er) voirs(creven) molen den/ voirs(creven) t(er)mijn due(re)nde wel ende loflic houden sal op sinen cost/ vand(er) onderster rikelen nederwert It(em) es sal de voirs(creven) joes de / voirs(creven) molen houden van ca(m)me en(de) van spillen wel en(de) loflic ende/ die alsoe laten te sinen afscheyden It(em) waert alsoe dat de voirs(creven)/ joes [of de sine] enige steene of ander werc inde voirs(creven) molen mesmoelen dat/ soe soude hi m(ijn) joff(rouwe) voirs(creven) dat oprichten ten prise van goeden/ knapen die hen des verstaen h(ier) af sijn borghen des voirs(creven) joes/ als p(ri)ncipael sculde(re)n ongesundert en(de) ongescheyden en(de) elc voir/ al meest(er) jan vander heyden surgijn en(de) jan arts goreelmake(r)/ Et p(ri)m(us) borch(oven) ca(pelle)[ma(n)] julii vii