Item symoen van h(er)bais bailhu vande(n) lande van eedi(n)ghen in deen/ sijde jan coulen en(de) henric tainginsart die geleydt sijn tot de(n) haeflike(n) goede(n)/[colare hazart] in dande(re) hebben dach genomen in rechte te come(n) voir meye(r) en(de)/ scepen(en) van loven(en) van heden in drie weeken te mistide naestcomende/ op dat sijs hie(re)n by(n)nen mett(er) mynne(n) niet beslicht en worde(n) cor(am) kers(makere)/ smacht borch(oven) ca(pelle)[ma(n)] ov(er)wynge iunior oct(obris) xxv