Van moreele van udekem/ Ite(m) joffr(ouwe) marie van chaustie docht(er) henrix wilen van chaustie/ heeft gekendt ende gelijdt dat sij met hue(re)n vryen eygen(en)/ wille getogen is met janne van udekem diemen heet/ moreel en(de) dat alle tghene des de voirs(creven) jan met/ hue(r) begaen heeft tot opten dach van heden gesciet/ is huers danx desgelix dat sij alsulke(n) ki(n)nen/ en(de) lyen als sij voir scepen(en) van gosseliez bailhu/ en(de) ma(n)nen van leen des he(re)n van viertain en(de)/ oec voir scepen(en) van montengny gedaen heeft bekent/ heeft huers moets willen en(de) dat sij den voirs(creven)/ janne sonder e(n)nech bedwanc of bedroch met/ hue(r)en p(ro)pe(re)n vryen eygen(en) wille tot hue(re)n man/ genome(n) en(de) getrouwet heeft en(de) hadde sij alle/ de voirs(creven) poente(n) of e(n)nich van hen noch te doen/ dat sij die noch doen soude cor(am) smacht/ ca(pelle)[man] jul(ii) xiiii